Հաջողակ մարդիկ իրենք են ստեղծում իրենց մոտիվացիան, իսկ ինչպե՞ս. խորհուրդներ հաջողակներից

Հաջողակ մարդիկ հաճախ իրենք են ստեղծում իրենց մոտիվացիան և արդյունքում գրանցում են հաջողություններ։ Հաջողակները կիրառում են մի շարք մեթոդներ և մոտեցումներ:

• Սահմանում են հստակ նպատակներ

Հստակ և չափելի նպատակներով են առաջ են շարժվում։ Հաջողակները խորհուրդ են տալիս մեծ նպատակները բաժանել փոքր, իրագործելի քայլերի, որպեսզի ավելի հեշտ լինի դրանք իրագործելը և դրանցից բավականություն ստանալը։ Հստակ նպատակներից բացի սահմանում են երկարաժամկետ և կարճաժամկետ նպատակներ, որոնք կօգնեն կենտրոնանալ և մնալ մոտիվացված: Ինքնագնահատում և վերլուծություն Կանոնավոր կերպով գնահատում են իրենց առաջընթացը և վերլուծում են, թե քայլերից որոնք են ճիշտ, որոնք՝ սխալ։ Հաջողակները խորհուրդ են տալիս օգտագործել օրագրեր, ցուցակներ կամ առցանց գործիքներ՝ առաջընթացը վերլուծելու համար:

•    Խրախուսանք և պարգևատրումներ

Ինքնապարգևատրումները հաճախ լավագույն արարքներն են հաջողության հասնելու ճանապարհին. «Պարգևատրեք ինքներդ ձեզ՝ յուրաքանչյուր փոքր հաջողության համար, լինի դա փոքրիկ ընդմիջում, սիրելի զբաղմունք կամ որևէ փոքրիկ նվեր»:

•        Ասում են՝ հաջողակները ընտրում են հաջողակ մարդկանց օրինակները և ուսումնասիրում են, թե ինչպես են նրանք հասել իրենց նպատակներին: Հնարավոր է փորձել, չէ՞։

•        Կարևոր է նաև դրական մտածողությունը և միջավայրը,- ասում են աշխարհին հայտնի հաջողակները։ Շրջապատեք ձեզ այնպիսի մարդկանցով, ովքեր աջակցում և ոգևորում են։ Պարբերաբար հիշեցրեք ինքներդ ձեզ ձեր ձեռքբերումների մասին և մի կենտրոնացեք անհաջողությունների վրա:

•        Հարմարվողականություն. խորուրդ են տալիս հարմարվել փոփոխություններին և խնդիրներին, պետք է ընդունել, որ բոլոր նպատակներին հնարավոր չէ հասնել առաջին փորձից:

•       Ինքնավստահությունը և դրական ինքնագնահատումը կարևորագույն նախապայմանն է հաջողության հասնելու գործում։ Իսկ ինչպե՞ս զարգացնել ինքնավստահությունը. պատասխանն է՝ ճանաչելով ձեր ուժեղ կողմերը և հնարավորությունները: Հավատացե՛ք ինքներդ ձեզ։

Այս մեթոդներով են շարժվում հաջողակները։ Միգուցե իրենց խորհուրդները օգնեն ձեզ ստեղծել և պահպանել ձեր մոտիվացիան՝ անկախ խոչընդոտներից և դժվարություններից։