Համակարգչային խաղերի վնասները

 

Համակարգիչներն այսօր հանդիսանում են մեր կյանքի անբաժանելի ու անփոխարինելի մասը: Այսօր համակարգիչը ապահովում է նաև ժամանց՝ հետաքրքիր նյութերի, նաև խաղերի միջոցով։ Սակայն համակարգչային խաղերը չարաշահելու դեպքում ի հայտ են գալիս բացասական ազդեցություն: Համակարգչային խաղերով տարված անձինք շատ ժամանակ են անցկացնում համակարգչի դիմաց, որն առաջացնում է տեսողական խնդիրներ:

Երկար ժամանակ խաղալը ազդում է քնի վրա, որի հետևանքով մարդը քնելիս էլ տեսնում է խաղից հատվածներ, նկարներ, ինչն էլ խանգարում են քնելուն: Համակարգչային խաղերը կարող են առաջացնել կախվածություն։ Կախվածությունը վերջին փուլն է։ Այս փուլում մարդը ապրում է վիրտուալ աշխարհում, կտրվում է իրական աշխարհից, իրեն նույնացնում է խաղերի հերոսների հետ՝ դառնալով ագրեսիվ, նյարդային, դյուրագրգիռ և կոնֆլիկտային։

Արված հետազոտությունների արդյունքները ասում են՝

. Երեխաների մեջ սերմանվում է ագրեսիա . Երեխաները ապրումակցում են խաղի հերոսին՝ արդյունքում դառնալով դյուրագրգիռ և անհանգիստ . Վտանգվում է երեխայի առողջությունը (ընդհանուր թուլություն և հոգնածություն, տեսողության թուլացում, քնի խանգարում և այլն) . Երեխաները մոռանում են մարդկանց հետ շփվելու նրբությունները . Երեխաները գերադասում են համակարգչային շփումը ցանկացած, անգամ ընտանեկան շփումից . Համակարգչային խաղերը նաև բացասական են ազդում ուշադրության վրա

Համակարգչային խաղերը փոփոխություններ են մտցնում բնականոն սոցիալ-մշակութային միջավայրում։ Համակարգչային խաղերի չկանոնակարգված օգտագործման արդյունքում երեխաները հայտնվում են վտանգավոր, երևակայական, իրենց իսկ կողմից ստեղծված աշխարհում, որից կախվածություն են ձեռք բերում և չգիտեն ինչպես կարելի է ազատվել այդ կախվածությունից։

Համակարգչային խաղերով տարվածությունը կարող է հանգեցնել բացասական վարքագծի ձևավորմանը՝ բռնության նկատմամբ հակումների, բարոյական արժեքների համակարգի խախտման, բոլորի վրա իշխելու ցանկություն և այլն։

Մի շարք հոգեբանների կարծիքով համակարգչային խաղերի վնասակար ազդեցությունը կապված է առավելապես խաղի բնույթից։