Ինչպե՞ս կփոխեն աշխարհը ռոբոտները
Այսօր ողջ աշխարհում արհեստական ինտելեկտը (AI) մեծացնում է մարդ-ռոբոտ փոխազդեցությունը, համագործակցությունը և, իհարկե, հնարավորությունները յուրաքանչյուր ոլորտում։ Այսօր ռոբոտները աշխատում են մարդկանց կողքին՝ թեստավորում և հավաքում իրականացնելու համար: Արհեստական ինտելեկտի առաջընթացն օգնում է ռոբոտներին ավելի մոտիկից ընդօրինակել մարդու վարքագիծը: Ռոբոտները, որոնք գործում և մտածում են մարդկանց պես, կարող են ավելի լավ ինտեգրվել աշխատանքում և ապահովել արդյունավետության այնպիսի մակարդակ, որը չի համեմատվի մարդ-աշխատողների հետ:
Ինչպե՞ս կփոխեն աշխարհը ռոբոտները
Հետազոտությունները ցույց են տալիս, որ ռոբոտները կբարձրացնեն տնտեսական աճն ու արտադրողականությունը և կստեղծեն կարիերայի նոր հնարավորություններ ամբողջ աշխարհում: Այնուամենայնիվ, դեռևս կա այն մտահոգությունը, որ ռոբոտները մարդկանցից կխլեն իրենց աշխատանքները, և արդյունքում՝ բոլոր աշխատատեղերի 30%-ը կարող են ավտոմատացվել մինչև 2030 թվականը:
Սակայն, այսօր ինչպես ցանկացած նորարարություն, ռոբոտները ևս ունեն իրենց դրական և բացասական կողմերը: Ինչպիսի՞ն է ռոբոտների և ռոբոտաշինության ապագայի լավի և վատի բաշխումը:
Առավելությունները
- Ռոբոտները կարող են աշխատել վտանգավոր միջավայրերում. ինչո՞ւ վտանգի ենթարկել մարդկանց կյանքը, եթե կարող ես ռոբոտին ուղարկել այդ աշխատանքը կատարելու: Օրինակ՝ կարելի է մտածել՝ որքան նախընտրելի է ունենալ ռոբոտ-աշխատակից, որը պայքարում է կրակի դեմ կամ աշխատում է միջուկային ռեակտորի վրա:
- Ռոբոտները ծախսարդյունավետ են. ռոբոտները չեն հիվանդանում կամ ընդմիջումներ չեն անում, ոչ էլ կարիք ունեն կյանքի ապահովագրության, վճարովի արձակուրդի։ Կարող ենք ասել՝ գործատուների համար ռոբոտները հիանալի տարբերակներ են։
Թերությունները
- Մինչ ռոբոտների առավելությունների մասին խոսելը, պետք է պատկերացնել՝ որքան խորը մեկնարկային ծախսեր են անհրաժեշտ՝ խելացի ռոբոտներ ստեղծելու համար. պետք է նաև գիտակցել՝ ռոբոտների ստեղծման ներդրումը ռիսկային է։
- Ռոբոտները կարող են խլել աշխատատեղերը։ Այո, մարդկանց և, անգամ, մասնագիտացումներին փոխարինել են ռոբոտները որոշակի իրավիճակներում, օրինակ՝ հավաքման գործում: Կա նաև մտահոգություն, որ ռոբոտների պատճառով կվերանան նաև մասնագիտություններն ու մասնագիտացումները։ Օրինակ՝ ուսուցչի մասնագիտությունը. չէ՞ որ այսօր ողջ աշխարհը կարողանում է սովորել ինչ-որ հարթակներից և ծրագրերից։
Սակայն ռոբոտների առաջարկած ճշգրտության մակարդակների և տվյալների շնորհիվ մենք կարող ենք անհամբեր սպասել, որ ռոբոտները կզբաղվեն ավելի ծանրաբեռնված աշխատանքով։ Մոտ ապագայում ռոբոտները և ռոբոտաշինությունը տրանսպորտն ավելի արդյունավետ կդարձնեն, կբարելավեն առողջապահությունը: Բայց, իհարկե, ժամանակը ցույց կտա, թե ինչպես կստացվի այս ամենը:
.jpg)
Комментарии