Մարդկային անմիջական շփման կարևորությունը

 Արդի աշխարհում, որտեղ տեխնոլոգիաները գերակշռում են մեր առօրյան, մարդկային անմիջական շփումը կարծես թե հետին պլան է մղվել: Մարդիկ այսօր իրենց շփումները հաճախ սահմանափակում են հաղորդագրությունների, էլեկտրոնային նամակների և վիրտուալ հարթակների միջոցով: Սակայն, որքան էլ որ տեխնոլոգիաները դյուրացնում են մեր կյանքը, միևնույն է, դրանք չեն կարող փոխարինել մարդկային անմիջական շփման իրական արժեքին և դրա դրական  ազդեցությանը:

  Մարդկային անմիջական շփումը հնագույն մի մասնիկ է, որը ծնունդ է առել այն ժամանակներից, երբ մարդիկ առաջին անգամ սկսեցին հասկանալ, որ իրար կողքի լինելը և միմյանց հետ կիսվելը ոչ միայն կենսական անհրաժեշտություն է, այլև՝ հոգևոր արժեք: Մարդկային շփման մեջ խոսքը միայն բառերի փոխանակումը չէ, այն ներառում է նաև հպումը, հայացքը, ժեստերը, սրտի զարկերը, որոնք արտահայտում են այն, ինչ հնարավոր չէ արտահայտել բառերով:

 

   Հանդիպելիս մարդիկ կարող են զգալ միմյանց ներկայությունը, զգալ այն ջերմությունը, որը փոխանցվում է մեկից մյուսին: Մի պարզ ժպիտը կամ սեղմված ձեռքը կարող է ավելի մեծ ազդեցություն ունենալ, քան հարյուրավոր հաղորդագրությունները: Այդպիսի շփումը ստեղծում է վստահություն, որը դժվար է գտնել վիրտուալ աշխարհում: Ներկայությունը, ուշադրությունը, միասնականությունը....սրանք այն բաներն են, որոնք արդյունքն են մարդկային անմիջական շփման, ինչը կարևոր է ինչպես հոգեկան, այնպես էլ ֆիզիկական առողջության համար: Մարդկային անմիջական շփումը կարևոր է մի շարք պատճառներով, որոնք ազդում են ինչպես անհատական զարգացման, այնպես էլ հասարակության ամբողջականության վրա։

1.Էմոցիոնալ աջակցություն: Անմիջական շփումը հնարավորություն է տալիս մարդկանց կիսվել իրենց զգացմունքներով, ստանալ աջակցություն և հասկանալ, որ միայնակ չեն իրենց դժվարությունների հետ։

2.Հարաբերությունների ամրապնդում: Անձնական շփումները, ի տարբերություն վիրտուալ շփումների, խորացնում են մարդկային հարաբերությունները, դարձնելով դրանք ավելի անկեղծ ու վստահելի։

3.Էմպատիայի զարգացում: Հանդիպելով մեկ ուրիշի հետ, մենք կարող ենք ավելի լավ հասկանալ նրա իրավիճակը, զգալ նրա տխրությունը կամ ուրախությունը, ինչը զարգացնում է մեր էմպատիայի հմտությունները։

4.Հաղորդակցության հմտությունների զարգացում: Մարդիկ սովորում են ավելի լավ արտահայտել իրենց մտքերը, լսել դիմացինին և ստեղծել համարժեք հաղորդակցություն։

5.Հոգեբանական առողջություն: Մարդկանց հետ անձնական շփումները նպաստում են մեր հոգեբանական առողջությանը՝ նվազեցնելով սթրեսի մակարդակը և բարձրացնելով երջանկության զգա*ցողությունը։

6.Հասարակական ինտեգրացիա: Անմիջական շփումը կարևոր է նաև հասարակական կարգի և սոցիալական նորմերի պահպանման համար, քանի որ այն նպաստում է տարբեր խմբերի միջև կապերի ստեղծմանը ու համերաշխությանը։

  Հաճախ, միայն մեկ հայացքը կարող է փոխել մարդու օրը: Երբեմն, երբ տխրում ես, նույնիսկ ամենաքիչ կարեկցանքը կարող է մեղմացնել ցավը: Հետևաբար, մարդկային անմիջական շփումը միակ միջոցն է, որը կարող է օգնել հաղթահարելու կյանքի դժվարությունները, կիսելու երջանկությունը:

   Պետք է հիշել, որ շփումը, որն ապահովում է իրական կապ, միշտ եղել է և կմնա մեր կյանքում որպես բարեկեցության, երջանկության և հաջողության աղբյուր:

 Ահա, թե ինչու պետք է մենք պահպանենք և խթանենք մարդկային անմիջական շփումը՝ որպես մեր կյանքի անբաժանելի մաս։ Այն ունի հսկայական նշանակություն, որը գերազանցում է ժամանակի և տարածության սահմանները՝ միավորելով մեզ որպես մի մեծ, ուժեղ և միասնական մարդկություն: