Կանանց առաջնորդություն

   Ինչպե՞ս հաղթահարել կարծրատիպերը  և հասնել հաջողության տղամարդկանց միջավայրում  

  Ժամանակակից աշխարհում կանանց առաջնորդությունը դառնում է կարևոր: Այնուամենայնիվ, կանայք հաճախ բախվում են բազմաթիվ մարտահրավերների իրենց կարիերայի ընթացքում, հատկապես տղամարդկանց գերակշռող միջավայրերում: Չնայած այս խոչընդոտներին՝ շատ կանայք հաջողությամբ կոտրել են կարծրատիպերը և   հասել հաջողությունների:   

Էմիլիա Քլարկ

 Էմիլիա Քլարկը, որը հայտնի է Դեյներիս Տարգարիենի դերով «Game of Thrones»-ում, բախվել է բազմաթիվ մարտահրավերների իր հաջողության ճանապարհին: Նա ստիպված է եղել պայքարել կարծրատիպերի և թյուր պատկերացումների դեմ: Նրա արտաքին տեսքի և սեռի պատճառով շատերը կասկածում էին կերտվելիք նրա դերի համապատասխանությանը։ Այնուամենայնիվ, Քլարկի վստահությունն ու վճռականությունը նրան հնարավորություն տվեցին ապացուցել իր արժեքը և դառնալ ոլորտի ամենաազդեցիկ դերասանուհիներից մեկը:    

 Մերի Բարրա

 Մերի Բարրանը (General Motors ի CEO)  տղամարդկանց գերակշռող ոլորտում հաջողակ կին առաջնորդի փայլուն օրինակ է: Իր կարիերայի սկզբում, բախվելով բազմաթիվ մարտահրավերների և կարծրատիպերի, այնուամենայնիվ, իր պրոֆեսիոնալիզմի և առաջնորդական հմտությունների շնորհիվ սահմանեց նշանակալի հաջողությունների նշաձողը։ Նրա պատմությունը ոգեշնչում է բազմա թիվ կանանց. հաղթահարել խոչընդոտները և հասնել նպատակներին:   

Կարծրատիպերը հաղթահարելու և տղամարդկանց միջավայրում հաջողության հասնելու ռազմավարություններ    

 Կարծրատիպերը հաղթահարելու և տղամարդկանց գերակշռող միջավայրում հաջողության հասնելու համար կանայք կարող են օգտվել արժեքավոր տարբեր ռեսուրսներից: 

 

Վստահության դրսևորում 

  Վստահությունը կարևոր գործոն է կարծրատիպերի հաղթահարման գործում: Ինչպես ընդգծվել է Քեթի Քեյի և Քլեր Շիփմանի «Վստահության օրենսգրքում», վստահությունը վճռորոշ դեր է խաղում հաջողության համար: Այնուամենայնիվ, ուսումնասիրությունները ցույց են տալիս, որ կանայք հաճախ չունեն վստահության բարձր մակարդակ համեմատ տղամարդկանց: Դա հաղթահարելու և վստահություն ձեռք բերելու համար կանայք պետք է զբաղվեն ինքնաճանաչմամբ և սովորեն լինել   ինքնավստահ: 

     Վախի և ինքնազսպման հաղթահարում 

 Մեկ այլ կարևոր ասպեկտ է վախի և ինքնազսպման հաղթահարումը: Ռեյչել Հոլլիսի «Աղջիկ, դադարեցրե՛ք ներողություն խնդրելը» գիրքը ընդգծում է այն կարևորությունը, որ հարկ չէ՝ կանայք ներողություն խնդրեն իրենց ամբիցիաների(պատվախնդրության) համար, այլ հակառակը՝ համառորեն առաջ շարժվեն դեպի իրենց նպատակները: Կանայք պետք է հասկանան, որ իրենք ունեն հաջողության հասնելու իրավունք, և չպետք է նրանց խանգարեն վախերն ու կասկածները։ 

 Առաջնորդության հմտությունների զարգացում 

   Կարծրատիպերը հաջողությամբ հաղթահարելու և տղամարդկանց գերակշռող միջավայ-րում հաջողության հասնելու համար կանայք պետք է հղկեն իրենց առաջնորդական հմտու-թյունները: Բրենե Բրաունի «Հանդգնել առաջնորդել» և Սալի Հելգեսենի «Կանանց առավելությունը» գրքերը արժեքավոր խորհուրդներ են տալիս առաջնորդության հմտությունների զարգացման վերաբերյալ:     

Եզրակացություն  

Յուրաքանչյուր ոլորտում, հատկապես՝ տղամարդկանց գերակշռող միջավայրում կանանց կողմից ստեղծվելիք առաջնորդությունը ոչ միայն հնարավորություն է ստեղծում հասնել սահմանված նպատակներին մասնագիտական ոլորտում, այլև հիմնում է ավելի արդար և հավասար հասարակության տեսլականը։  Սակայն մինչ արդար և հավասար հասարակության մասին խոսելը, պետք է հիշել այն կարծրատիպերն ու քարացած մտքերը, որոնք կան այժմյան հասարակություններում և տարբեր մշակույթներում։ Տղամարդկանց գերակշռող միջավայրում հաջողության հասնելը և ցանկացած կարծրատիպի հաղթահարումը պահանջում է ոչ միայն յուրաքանչյուր կնոջ ինքնաճանաչումն ու ինքնակրթությունը, այլ նաև փոփոխություններ մշակույթի, հասարակության և, առհասարակ, հասարակական գիտակցության մեջ: Աշխատավայրում պետք է հավասար հնարավորություններ ապահովվեն երկու սեռի համար, իսկ հասարակությունը պետք է ճանաչի և արժևորի կանանց ներդրումը տարբեր ոլորտներում: Գործատուները պետք է գիտակցեն աշխատավայրում հավասար հնարավորությունների ստեղծման կարևորությունը, որը կարող է ներառել վերապատրաստման և զարգացման ծրագրերի իրականացում՝ կանանց առաջնորդության հմտությունների խթանման համար: Ավելին, պետք է շարունակվեն ջանքերը հասարակական կարծիքն ու գիտակցությունը փոխելու ուղղությամբ։ Դրան կարելի է հասնել կրթական ծրագրերի, գենդերային հավասարության քարոզարշավների, օրինակելի գործողությունների, ինչպես նաև տարբեր ոլորտներում կին առաջնորդներին աջակցելու և գովաբանելու միջոցով: Կանանց առաջնորդության զարգացումը անհրաժեշտ քայլ է դեպի ավելի արդար և հավասար հասարակություն ստեղծելու համար: Տղամարդկանց գերակշռող միջավայրում կանանց առաջնորդությունը ոչ միայն կարևոր է գենդերային հավասարության հասնելու համար, այլև նորարարության, բազմազանության և բարգավաճման կարևոր աղբյուր է։ Կանանց առաջնորդության ոլորտում հետագա առաջընթաց գրանցելու համար անհրաժեշտ են շարունակական քննարկումները և կառուցողական լուծումները: Այդ առաջնորդության հասնելը ոչ միայն արդարության և հավասարության խնդիր է, այլ նաև կազմակերպչական արդյունավետության և նորարարության բարձրացման հիմնական գործոն: Հետազոտությունները ցույց են տալիս, որ կին առաջնորդներով ընկերությունները գրանցում են ավելի արդյունավետություն և շահույթ:  

Ուստի կանանց առաջնորդության զարգացման մեջ ներդրումներ կատարելը ոչ միայն բարոյապես ճիշտ է, այլև տնտեսապես շահավետ: Ընդհանուր առմամբ, կանանց առաջնորդությունը վճռորոշ դեր է խաղում ավելի արդար, հավասար և բարգավաճ հասարակություն ստեղծելու գործում: Չնայած բոլոր մարտահրավերներին՝ կանայք շարունակում են տպավորիչ առաջընթաց գրանցել տարբեր ոլորտներում: 

 Հաղթահարելով կարծրատիպերն ու մարտահրավերները՝ կանայք ցույց են տալիս իրենց մասնագիտական հմտությունները՝ կարողանալով հասնել նշանակալի հաջողությունների իրենց կարիերայում և դառնալ ազդեցիկ առաջնորդներ իրենց մասնագիտական ոլորտներում, արդյունքում՝ դրականորեն ազդելով հասարակության վրա: Հաջողակ կին առաջնորդների պատմությունները ոգեշնչում են մյուսներին և ցույց տալիս, որ ինքնավստահության և վճռականության դեպքում անհնարինը հնարավոր է դառնում։ Հաջողության հիմնական գործոններն են՝ ինքնավստահությունը, վախի հաղթահարումը և առաջնորդության հմտությունների զարգացումը։