Ինչպիսի՜ սուրճ, ինչպիսի՜ գովազդ

   Սուրճն իմ կիրքն է, իմ թուլությունը: Ես սիրում եմ սուրճն իմ ամողջ սրտով: Եվ եթե սուրճի բրենդն ուղեկցվում է նաև լավ գովազդով, ապա իմ հոգում հանդիպում են շուկայագետն ու սուրճի սիրահարը, սեղմում են միմյանց ձեռքերը, շնորհավորում են հաջող ընտրությունը և ուրախ-զվարթ  վազում են այն խմելու:

   Այս առիթով ես հրավիրում եմ Ձեզ այսօր դիտելու իմ սիրելի ըմպելիքի ոչ օրինաչափ գովազդի ընտրված տարբերակները:

         1.   Այս գովազդն  ինձ աննկարագրելի բերկրանք պարգևեց: Չնայած ամեն ինչ պարզ է. սուրճը կոչվում է <<Սև կատու>>, որին էլ հարում է նկարը:  Բայց որքան հաջող են նրանք այդ դեղին աչքերով սև կատույին տեղավորել սուրճի փեյնիկի մեջ: Իսկապես հիանալի են օգտագործել կատուների ճկունությունը:

 2.         Եվս մեկ լավ օրինակ: Այտեղ գրավում է կարգախոսը <<Արթնանալու լավագույն մասնիկը Folgers-ն է Ձեր բաժակում>>: Թվում է, թե ոչ մի առանձնահատկություն, բայց ես չեմ հիշում այդքան վառ արտահայտված նկար:

       3.     Այստեղ լիովին ներկայացված է Իտալիայի հետ կապը: «Զգացեք Իտալիայի համը, զգացեք COSTA», պարզ հստակ և գեղեցիկ:

      4.       Փոքրիկ հանգիստ սուրճի համով: Սերուցքի գովազդի կրեատիվ տաբերակ է, բայց չգիտեմ, արդյոք սերուցքային սուրճը որևէ մեկի մոտ ասոցացվում է  տաք երկրների ու լողափային հանգստի հետ:

     5.    Ես նույնիսկ չգիտեմ, թե ինչն է դարձնում սուրճի գավաթում աղջկա կերպարի պրոզայիկ գաղափարը այդքան գրավիչ: Միգուցե էլեգանտ ֆոնի վրա պատկերված իդեալական դասավորվածությամբ լուսինն ու աստղերը, նրանց փայլն ու  էլեգանտ գրվածքը  մի ամբողջական կոմպոզիցիա են ստեղծել: Այս յուրօրինակ ռոմանտիզմով լեցուն նկարը իմ մեջ ցանկություն է առաջնում աստղազարդ տաք մի գիշեր բաց պատուհանի մոտ կանգնած խմել մեկ գավաթ այդ սուրճից:

  

 6. Թեև սա այնքան էլ սուրճի գովազդ չէ, սակայն ուղղակիորեն կապված է վերջինիս հետ, և հենց իր յուրօրինակության համար էլ ընդգրկվել է այստեղ: Առանձնահատուկ ուրախություն է պարգևում «ոչ մի հնարք» գրվածքը: Այս դարձվածքը լայնեզր գլխարկով նապաստակի հետ միասին օգնում են ճիշտ հասկանալ հեղինակի գաղափարը:

      7.       Սուրճի թեմատիկայով ևս մեկ հետաքրքիր գովազդ: Այտեղ սուրճն առաջակվում է տեղափոխման համար և անչափ լավն է կարգախոսը` «Դարձիր գրասենյակի հերոս»:

      

8.     Համոզված չեմ, որ սա սուրճի գովազդ է, բայց այն կարող է դա դառնալ: Այն «Առավոտյան երազանքները մի գավաթ սուճում» շարքից է և շատ ճիշտ ընտրություն է կանացի լսարանի համար:

      

9.       Եվ վերջապես սուրճի ոչ արդիական փաթեթավորում` շշալցված հատիկավոր սուրճ: Թվում է, թե այս խմիչքը պետք է վիսկիի ազնիվ բույր ունենա ...: Որպես մարկետինգի զոհ, իհարկե, ուզում եմ անմիջապես այն փորձել:

Keep calm and drink coffee!

by Anna Araqelova