ՄԵԿ ԲՐԵՆԴԻ ՊԱՏՄՈՒԹՅՈՒՆ

   Ուշագրավ գովազդ NIKE-ից:Գովազդն ուշագրավ է նրանով, որ նշված է միայն կազմակերպության ֆիրմային լոգոն: Առանց անվանման էլ մեզանից յուրաքանչյուրը ճանաչեց աշխարհահռչակ NIKE ֆիրման: Ֆիրման ունի շատ հետաքրքրիր պատմություն, որն էլ կուզեի Ձեզ ներկայացնել:

           NIKE-ի պատմության արմատները ձգվում են 1964թ-ից: Ամերիկյան շուկայում այդ ժամանակ կարելի էր ձեռք բերել կամ շատ թանկ ու լավորակ կամ շատ էժան ու անհարմար մարզակոշիկ: Միջին որակի ապրանք պարզապես գոյություն չուներ: Հենց դրան էլ ուշադրություն դարձրեց Օրեգանոյի համալսարանի ուսանող Ֆիլ Նայթը, ով սպորտով էր զբաղվում և իր վրա էր զգում այդ անհարմարությունը:

       Ֆիլ Նայթն իր մարզիչի հետ որոշեցին պատվիրել հարմար ու մատչելի մարզակոշիկ: Նրանք որոշեցին որակյալ մարզակոշիկ պատվիրել այլ երկրում և ներմուծել ԱՄՆ: Նրանց ընտրությունը կանգ առավ Ճապոնիայի վրա, որովհետև այնտեղ աշխատուժն ավելի էժան էր: Դրա համար հիմնեցին  Blue Ribbon Sports ֆիրման, որն էլ հետագայում վերանվանվեց NIKE: 26 ամյա պատանին գործի մեջ ներդրեց ընդամենը 500$, իսկ ներմուծած մարզակոշիկները վաճառում էր հենց ավտոմեքենայի թափքից: Մեկ տարվա ընթացքում դա նրանց ապահովեց ավելի քան 8000$-ի եկամուտ, և նրանք որշեցին ընդունել աշխատանքի վաճառքի մենեջեր Ջեֆ Ջոնսոնին: Նրան առաջին հերթին հանձնարարվեց կազմակերպության համար լավ, հնչեղ անուն մտածել: Գիշերը մենեջերը երազում տեսնում է հաղթանակի աստվածուհի Նիկային: Վերջինս որոշիչ է դառնում իրենց ֆիրմային լոգոտիպի համար: այդ Նրանք որոշում են իրենց ֆիրման վերանվանել NIKE, սակայն պաշտոնապես վերանվանվեց միայն 1981 թվականին:

     Ջեֆ Ջոնսոնը հարցում էր անցկացնում գնորդներից որակի վերաբերյալ՝ դրանով իսկ հսկելով ապրանքի որակը: ԱՄՆ-ում գնալով առողջ ապրելակերպն ավելի արդիական էր դառնում: Ֆիտնեսով մարդկանց հետաքրքրվածության աճն ու կազմակերպության կողմից արտադրվող որակյալ մարզակոշիկները հանգեցրին նրան, որ 1971 թվականին NIKE-ի եկամուտը կազմեց արդեն 1.3մլն. դոլար:

       Հենց այդ տարի էլ ստեղծվեծ կազմակերպության լոգոտիպը Պորտլենդի ուսանողուհի Կարոլինա Դեվիսոնի կողմից ընդամենը 30դոլարով: Հետագայում Ֆիլ Նայթը ուսանողուհուն նվիրեց ոսկե մատանի այդ լոգոտիպով և կազմակերպության բաժնետոմսերի փաթեթ:

      NIKE-ը առաջին կազմակերպությունն էր, որ սկսեց իր գովազդներում նկարահանել հայտնի մարդկանց:

       Պարբերաբար աղմկալի բախումներ էին տեղի ունենում մյուս առաջատար սպորտային բրենդերի հետ, ինչն իր հետքն էր թողնում կազմակերպության համբավի վրա: 90-ականներին կազմակերպության նկատմամբ հետաքրքրությունն այնքան էր նվազել, որ նրանք որոշեցին զբաղվել նաև մարզահագուստի, ժամացույցի և այլ աքսեսուարների արտադրությամբ: 2000 թվականների սկզբին կազմակերպությունը շարունակեց ներդրումները իրականացնել գովազդի ոլորտում՝ կնքելով մեծ պայմանագրեր մարզիկների հետ:

     Այսօր NIKE-ը շարունակում է մնալ առաջատարների շարքերում: Այն հովանավորում է հայտնի մարզիկներին, կազմակերպում է սպորտային միջոցառումներ ու ստեղծում է հեղափոխական, մարզակոշիկ: Նրա գովազդը ոգեշնչում է, իսկ լոգոտիպը ամենաճանաչելին է բոլոր սպորտային լոգոտիպերի շարքում: Վերջիվերջո NIKE ֆիրման սեփական փորձով ապացուցեց իր կարգախոսը — Just Do It (Պարզապես արա այն):

                                 by Anna Arakelova