Հաջողության գրավական

   Վերջին ուսումնասիրությունները ցույց են տալիս, որ իսկապես, հաջողակ մարդիկ իրենց օրը սկսում են որոշակի ծեսերով: Առավոտը ողջ օրվա ամուր հենքն է սահմանում, իսկ նրանց, ովքեր իրական հաջողության են հասնում, այս սկզբունքով ապրում են ամեն օր: Եվ մինչ քաղաքի բնակիչներից շատերը փորձում են շոշափել հողաթափերը ոտքերով, այդ մարդիկ արդեն նախադրյալներ են ստեղծում, որպեսզի իրենց օրը հնարավորինս արդյունավետ և լիարժեք դառնա:

   Գրեթե բոլոր հաջողակները, Բիլ Գեյթսից մինչև Մարկ Ցուկերբերգ, պնդում են, որ իրենց հաջողության գրավականի անբաժան մասը նրանց առավոտյան խիստ ռեժիմն է: Բացի այդ, ակադեմիական հետազոտությունները ցույց են տալիս, որ նրանք, ովքեր իրենց կյանքում ստեղծում են առավոտյան արարողակարգ, շատ ավելին են հակված այն գործողությունների, որոնք կարող են փոխել իրավիճակն ի օգուտ իրենց:

  Իհարկե, ամեն առավոտ ընտրված ծիսակարգերին հետևելն այնքան էլ հեշտ չէ, սակայն կարծում եմ, որ արդյունքը շատ շուտ կնկատեք: Ահա մի քանի սովորություններ, որոնք կօգնեն ձեզ ձեր ողջ կյանքի համար...

Դարձիր վաղ թռչնակ

  Հնարավո՞ր է արդյոք դառնալ հաջողակ անձնավորություն, եթե արթնանում եք տանից դուրս գալուց 15 րոպե առաջ և դուրս եք վազում դռնից կոստյումը թարս հագած և ուտելիքը ձեռքին:

Ոչ միայն «ոչ», այլև երբևէ: Այս աշխարհում ամենահաջողակ մարդիկ իրենց առավոտը սկսում են արևի առաջին շողերից:

  Օրինակ, նախկին առաջին տիկին Միշել Օբաման ասում է,-«Ես հասկացա, որ եթե ես պետք է վաղ վեր կենամ իմ երեխաների համար, ես դա անում եմ: Բայց եթե ես պետք է վաղ արթնանամ իմ համար, ապա հանկարծ սկսում եմ մտածել. «Իսկ միգուցե չարթնանա՞լ 4:30-ին»: Եվ ես հասկացա, որ պետք է ինչ-որ կերպ փոխեմ դա»:

  Նույնիսկ եթե դուք չպետք է առավոտ շուտ գնաք աշխատանքի, փորձեք հավաքել ձեր կամքի ուժը և ժամանակը տրամադրել Ձեզ` հեռու մնալով այդքան գրավիչ փափուկ բարձից: Հավատացեք, եթե առավոտյան ձեզ համար ավելի շատ ժամանակ գտնեք, ձեր կողմից ծախսված ջանքերը կվարձատրվեն:

Ոչինչ մի ընդունեք որպես արժանվույս

   Երբ օրը սկսում եք բացասական աշխարհայացքով, քիչ հավանական է որ այն կլինի դրական և նույնիսկ լավը: Ահա թե ինչու է մոտիվացիայի գլխավոր մարզիչ հայտնի Թոնի Ռոբինսը առաջարկում առավոտը սկսել «Power of Hour»-ի կամ «բարգավաճման 15 րոպե» մեկնարկով:

  Եթե ​​ցանկանում եք ողջ օրվա համար դրական լիցքեր հավաքել, մտածեք որ կարող եք շնորհակալ լինել ձեր մտերիմներին, սիրելիին, կամ նույնիսկ Ձեր ճակատագրին: Այն շատ ժամանակ չի պահանջի, բայց ամբողջ օրը օրվա համար դրական լիցքեր կպարգևի, կնվազեցնի սթրեսը, կբարձրացնի արտադրողականությունը և պարզապես կապահովի լավ տրամադրություն: Նույնիսկ եթե քնից արթնանում եք խիստ մռայլ, փորձեք ձեր մեջ գտնել ձեր ունեցածի՝ ընտանիքի, ընկերների, կարիերայի համար երախտագիտության ուժը: Այն ամեն ինչի համար, որը պետք չէ ընդունել որպես արժանվույս: Եվ հիմա պատկերացրեք, թե ինչ եք ուզում թողնել ձեր կյանքում այնպես, ինչպես որ հիմա է:

 Վայելեք լռությունը

   Մեզանից շատերի համար կյանքը վերջերս դարձել է աներևակայելի տագնապալի: Աշխատավայրը, ընտանեկան կյանքը և գադջեթների վրա մշտական ​​շեղումը մեզ լռության չնչին րոպեներ ու նույնիսկ ակնթարթներ են պարգևում: Այստեղ բացառություն է ամենավաղ առավոտը:

  Այնպես որ զուր մի վատնեք այդ ժամանակը. վայելեք ամեն պահը` հաշվի առնելով, որ ընդամենը  մեկ ժամից ձեր օրը կլցնի խելագարության հասցնող կյանքի տեմպը: Օրվա ամենալուռ ժամանակը լավագույնն է խորհելու համար:

Կերեք  ձեր «գորտը»

  Բոլորիս էլ, երբեմն, օրվա կարևոր գործերի ցուցակում բաժին է ընկնում ինչ-որ գործ, որը ավելի վատ է քան գլխացավն ու ատամնացավը իրար հետ միասին:  Եվ մենք, որպես կանոն, եթե իհարկե դա հնարավոր է, հետաձգում ենք այդ տհաճ գործը մինչև օրվա վերջ, կամ ընդհանրապես հաջորդ օր: Մի խոսքով, մենք սկսում ենք այս գործը հենց այն ժամանակ, երբ հոգնած ենք լարված աշխատանքային օրից հետո և դա մեզանից կրկնակի ավելի ժամանակ է պահանջում, քան սովորաբար:

  Գործն անընդհատ հետաձգելու փոխարեն պետք է «ուտել գորտը»: Եվ ոչ, ֆրանսիական բարձրակարգ խոհանոցը դրա հետ կապ չունի, այս արտահայտությունը փոխառված է Մարկ Տվենի հայտնի արտահայտությունից. «Եթե դուք առավոտից մի գորտ ուտեք, դա հավանաբար ամենավատն է, ինչ կարող է պատահել օրվա ընթացքում»:

  «Ձեր «գորտ»-ը ձեր առջև կանգնած ամենամեծ ու ամենակարևոր խնդիրն է, որը դուք, ամենայն հավանականությամբ, կարող եք ձեզ թույլ տալ հետաձգել անորոշ ժամանակով», - ասում է արդյունավետության մասնագետ Բրայան Տրեյսը:  Ահա թե ինչու է նա խորհուրդ տալիս կատարել նման առաջադրանքներն առաջինը` երկար ժամանակ չտալով մտածել դրա մասին: Այս մեթոդը ոչ միայն թույլ է տալիս Ձեզ խուսափել հետաձգումից, այլև  օգնում է ձեզ կատարել առաջադրանքներն այն ժամանակ, երբ դուք առավելագույն եռանդ ունեք:

Կերեք այն ամենը ինչ դրված է ձեր ափսեի մեջ

  Այո, մենք չենք սիրում դա ​​ընդունել, բայց այս պարագայում մայրիկը բացարձակապես ճիշտ էր: Նախաճաշը օրվա ամենակարևոր կերակուրն է: Հաջող գործարար մարդիկ, ինչպիսին են Բրանոն կամ Ցուկերբերգը, մեծ դեր են տալիս  առատ նախաճաշին` ինչը նրանց պահում է ողջ օրվա ընթացքում, որքան էլ օրը ծանրաբեռնված լինի:

  Գիտնականները լրիվ համաձայն են նրանց հետ: Լավ նախաճաշը մեզ շատ առավելություններ է տալիս` մտքի աշխատանքի բարելավումից մինչև նյութափոխանակության կարգավորում: Հիշեք, լավ նախաճաշը օգնում է ձեզ արթնանալ, իսկ դրա բացակայությունը բացարձակ հակառակ ազդեցությունն է տալիս:

  Լավ նախաճաշի հակառակորդները, որպես կանոն, կրկնում են տարբեր ձևերով. «Ես առավոտյան շատ քնկոտ եմ, որ ինչ-որ բան պատրաստեմ: Իմ օրգանիզմը դեռ չի արթնացել, որպեսզի նախաճաշ ընդունի», և շատ այլ պատճառաբանություններ: Իսկ նրանք, ովքեր մտածում են, որ նրանք շատ քիչ ժամանակ ունեն  առավոտյան պատրաստելու համար, կարող են  միշտ եփել երեկոյան, իսկ առավոտյան պարզապես տաքացնել:

Լավ մարզվեք

  Twitter-ի գործադիր տնօրեն Թեքե Ջեք Դորսին ամեն առավոտ վազում է երեք կիլոմետր: Apple-ի գլխավոր տնօրեն Թիմ Կուկը արթնանում է ամեն օր ժամը հինգին, որ ժամանակ ունենա  առավոտյան վարժությունների համար: Իհարկե, դուք չպետք է կրկնեք նրանց առավոտյան ծեսակարգն ամողջությամբ, բայց եթե դուք գոնե մի փոքր մարզվում եք, դարձրեք այն ձեր առավոտի մի մասը: Առավոտյան մարզումից դուք չեք հոգնի, իսկ ձեր մարմինը ողջ օրվա համար կլիցքավորվի էներգիայով:

 Գտեք  ոգեշնչում

  Որքան էլ վատ տրամադրությամբ արթնանաք առավոտյան, եթե դուք ունենաք ոգեշնչում, այն ձեզ ավելի արագ կբարձրացնի անկողնուց, քան մոլորակի լավագույն մեկ գավաթ սուրճը:

Նույնիսկ եթե  դուք արթնանում եք առավոտյան նապաստակի նման կարմիր աչքերով, մտածեք, թե ինչպես իրականացնել երազանքները, ինչպես կփոխվի ձեր և ձեր մտերիմների կյանքը դրանից, և դուք կզգաք անհավատալի էներգիայի պայթյուն:

  Այստեղ կարելի է հիշել Սթիվ Ջոբսին: Հայտնի է, որ ամեն առավոտ նա սկսում էր հայելու մեջ իր վրա նայելուց և ինքն իրեն տրվող հարցից. «Եթե այսօր իմ կյանքի վերջին օրն է, ես կցանկանայի անել այն, ինչ ես պատրաստվում եմ անել»:

Իհարկե, հարկավոր չէ հայտնագործություններ անել: Պարզապես ամեն օր առնվազն հինգ րոպե ժամանակ տրամադրեք մտածելու այն մասին, թե ինչի կարող եք հասնել այսօր:

Ունե՞ք առավոտյան ծեսեր, որոնք ձեր կյանքն ավելի լավն են դարձնում: Եթե ​​այո, ապա կիսվեք դրանցով մեկնաբանություննում:

by Anna Araqelova