Անթերի դասավորություն

  Ապրանքների ճիշտ դասավորությունն ապահովում է առնվազն 15% վաճառքի աճ: Դարակների, ստենդերի վրա ապրանքների ճիշտ դասավորության գաղտնիքներին ոչ բոլորն են տիրապետում: Դրա համար կա մերչենդայզինգ, որը լիարժեքորեն տիրապետում է ապրանքի ներկայացման բոլոր քաղտնիքները:

    Տարեց տարի ապրանքների դասավորությանը ավելի ու ավելի մեծ կարևորություն է տրվում, քանի որ սուպերմարկետներում ներդրվում է ինքնասպասարկումը:  Դա նշանակւմ է, որ պոտենցիալ հաճախորդը մեն մենակ է մնում ապանքի հետ, նրա կողքին չկա վաճառող-խորհրդատու, ով կառաջարկեր լավագույն տարբերակը կամ կներկայացներ որակի մանրամասները:

   Գոյություն ունեն ապրանքների դասավորության մի քանի արդյունավետ տարբերակ` դասավորություն ըստ բրենդի, հորիզոնական կան ուղղահայաց դասավորություն, թեմատիկ և ցուցադրական: Նմանատիպ դասավորությունները հնարավոր է իրականացնել հատուկ դարակաշարերի, հարթակների, ստենդերի օգնությամբ: Կան դասավորության տարբերակներ, որոնք հատուկ  ստենդեր չեն պահանջում. օրինակ կույտով տարբերակը: Վերջինիս կիրառությունն արդիական է, երբ պետք է գրավել գնորդների ուշադրությունը, սակայան բրենդի ցուցադրության անհրաժեշտություն չկա:

    Ապրանքի դասավորության ազգային առանձնահատկությունները:

 Պետք է վառ ապրանքները տեղավորել առաջին շարքերում: Սա կգրավի սպառողի ուշադրությունը և կստիպի ծանոթանալ տվյալ ապրանքի մյուս տեսականուն:

     Տղամարդկանց համար նախատեսված  ապրանքներն ավելի լավ է տեղադրված լինեն վերին դարակներում: Եթե ​​նրանք ներքևում լինեն, ապա ուժեղ սեռը նրանց ուշադրություն չի դարձնի:

   Կանանց համար ապրանքների պահանջարկը մեծանում է, երբ արտադրանքը գտնվում է միջին դարակներում կամ ծայրահեղ դեպքերում ստորին դարակներում:

    Դրամարկղի մոտ պետք է տեղադրվեն պակաս պահանջարկ ունեցող ապրանքները:

   Ամենաթանկ ապրանքները պետք է տեղադրվեն անմիջապես մուտքի մոտ, ցանկալի է աջ կողմում:

  Եթե ​​խանութում առկա են վաճառքի լրացուցիչ կետեր, ապա դրանց վար պետք է դասավորվեն այն ապրանքները, որոնք մեծ պահանջարկ ունեն և ապահովում են խանութի եկամտի կարևոր մասը:

  Դասավորությունը  պետք է նաև համապատասխանի տարվա ժամանակին: Եթե ​​ամառ է, ապա դրամարկղի մոտ պետք է լինեն փոքր տարաներով սառը զովացուցիչ ըմպելիքներ:

   Գոյություն ունեն բազմաթիվ տարբերակներ, երբ անհնար է հստակորեն սահմանել այս  կամ այն ապրանքի ճիշտ դասավորությունը: Այդ պարագայում մերչենդայզերը պետք է փորձի մի քանի տարբերակ և հասկանա, թե որն է առավել արդյունավետ: Այս դեպքում անհրաժեշտ է ընտրել փորձնական դասավորությունների գրագետ տարբերակներ:

Աննա Առաքելովա