Որքա՞ն հանգիստ է պետք՝ առողջ նյարդային համակարգ ունենալու համար

Առաջիկա տարիներին յուրաքանչյուր խոհանոցում կհայտնվի սննդամթերքի տպագրման 3D տպիչ:

3D տպագրության միջոցով արդեն ստեղծվում են տարբեր մեխանիզմներ, կամուրջներ եւ նույնիսկ ամբողջական  շինություններ: Սակայն, կարծես, տեխնոլոգիան շատ ավելի մեծ ներուժ ունի, եւ այն կարող է օգտագործվել սննդի արդյունաբերության մեջ: Այդպես են մտածում Երուսաղեմի Եբրայական համալսարանի գիտնականները, ովքեր  ստեղծել են առաջին սննդի 3D տպիչը:

Ըստ գյուտարարներ Օդեդ Շոսեյսի եւ Իդո Բրասլավսկու, նման տպիչների արտադրության գործընթացը այնքան էլ բարդ չի, եւ այն կարող է 5 տարուց ոչ ուշ  մտնել  միջազգային շուկա:: Սննդի 3D տպիչը որպես հումք օգտագործում է նանոցելյուլոզ, սպիտակուցներ, ճարպեր եւ ածխաջրեր: Այժմ տպիչը կարող է տպել միայն խմոր, սակայն հետազոտողները պնդում են, որ իրենց տպիչը կարող է հետագայում ավելի շատ ապրանքներ տպել:

Նանոցելյուլոզը գիտնականները ուսումնասիրել են մի քանի տարի եւ եզրակացրել, որ մարսողական տրակտի ֆերմենտները հանգիստ մարսում են այս նյութը, եւ այն ինքնին չի առաջացնում որևէ բացասական ազդեցություն: Հետագայում մասնագետները կխառնեն նանոցելյուլոզին վիտամիններ, միկրոտարրեր եւ հակաօքսիդանտներ: Տպիչը լազերային ջերմաստիճանի ազդեցության տակ նանոցելյուլոզը կապում է բաղադրիչների հետ: Այս դեպքում լազերային վերամշակումը  թույլ է տալիս տպագիր ճաշատեսակը ավելի «ավանդական» սարքել:

Գյուտարարները համարում են, որ դրանց զարգացումը բավական խոստումնալից է: Բացի ճաշ պատրաստելու օգտագործումից, դա կօգնի նրանց, ովքեր խստորեն դիետա են պահում, դիաբետիկ են, բուսակերներ են, պրոֆեսիոնալ մարզիկներ են, ալերգիայով տառապողներ են եւ այլն: Ընդհանուր առմամբ, բոլոր նրանց, ում որոշակի նյութերի առկայությունը սննդի մեջ կարող է վնաս հասցնել առողջությանը:
Արթուր Սարգսյան