Բևեռափայլ

Երկնքի ամբողջ հյուսիսային կողմը լուսավորվում է կարմիր ու կանաչ կամարներով: Անընդհատ ձևափոխվելով և նոր երանգներ ստանալով՝ կամարները անհետանում են և նորից հայտնվում: Ճառագայթները մութ երկնքում նետերի տեսք են ստանում:

Դա բնության ամենահիասքանչ երևույթներից մեկն է՝ բևեռափայլը: Հյուսիսափայլը մի քանի ժամ կարող է մնալ երկնքում:

Այս երևույթը կապված է Արեգակի հետ: Արեգակը հսկայական քանակությամբ ջերմություն է արտանետում տիեզերական տարածություն, ինչպես նաև արտանետում է էլեկտրականությամբ լիցքավորված նյութի մանրագույն մասնիկների հոսքեր: Հասնելով Երկրի մթնոլորտի վերին՝ երկրի մակերևույթից 80-1000 կմ բարձրության վրա գտնվող շերտերը, այդ մասնիկները բախվում են օդի ատոմներին ու մոլեկուլներին, և սրանք սկսում են փայլփլել տարբեր գույներով՝ դեղին, կանաչ, կարմիր, նարնջագույն: Այսպես առաջանում է բևեռափայլը:

Բևեռափայլերն առաջանում են միայն Երկրի բևեռներում երկրագնդի մեծ ձգողական ուժի հետևանքով: Երբ Արեգակի՝ էլեկտրականությամբ լիցքավորված մասնիկների հոսքերը մոտենում են մեր մոլորակին, Երկրի մագնիսական ուժերի ազդեցությամբ շեղվում են դեպի հյուսիսային և հարավային մագնիսական բևեռները, և այդ շրջաններում էլ առաջանում են բևեռափայլերը:

Մարիանա Սարգսյան