Գովազդ սուպերմարկետում

Թիրախային լսարանի վրա ուղղակի ազդեցության ամենաարդյունավետ միջոցներից մեկը սուպերմարկետներում գովազդն է: Որտե՞ղ եթե ոչ սուպերմարկետում կարելի է ներգործել սպառողների ընտրության վրա:

Նշենք նման գովազդի առավելությունները.

Առաջին հերթին դա սպառողների խոշոր զանգվածների ներգրավումն է, քանի որ հսկայական առևտրի կենտրոնների այցելուները շատ մեծ թիվ են կազմում:

Գովազդային հոլովակների հեռարձակման վայրի և պարբերականության ընտրության հնարավորություն

Ինչպիսի՞ կրիչների միջոցով է գովազդն աշխատում սուպերմարկետներում.

·          Գնումների սայլակներ ու զամբյուղներ

·         Գնումների անջատ բլոկեր

·         Վաճառասրահներում տեսագովազդով մոնիտորներ

·         Լուսավորվող գովազդային վահանակներ

·         Հատակի վրա գովազդ, որը սովորոբար տանում է հստակ ապրանքի դարակաշարի մոտ

·         Դրամարկղի կտրոնի ժապավեն:

Գովազդային հոլովակ. առավելություններն ու առանձնահատկությունները: Գովազդային հոլովակի միջոցով կարելի է ոչ միայն ամրապնդել բրենդի կամ արտադրանքի վարկանիշը, այլև ներգործել անցկացվող ակցիայի արդյունավետության վրա: Վճարման տերմինալներում մոնիտորները տեղադրված են այնպես, որ տեսանելի լինեն հերթում կանգնած բոլորին:

Վճարման տերմինալը մարդկանց բազմության կուտակման առանձնահատուկ վայր է, քանի որ բոլորն անկախ կատարած գնումներից ու ապրանքային նախասիրություններից անցնում են դրամարկղի մոտով:

Բնականաբար ալիքը փոխել հնարավոր չէ, այդ պատճառով էլ գնորդները ստիպված են դիտել ցուցադրվող գովազդը: Միևնույն ժամանակ գովազդը տհաճ չէ, քանի որ չի ընդհատում ֆիլմի կամ որևէ ծրագրի դիտումը՝ դրանով իսկ առաջացնելով դժգոհություն: Թիրախային բազմություն են հանդիսանում հիմնականում միջին կամ բարձր կենսամակարդակ ունեցող ակտիվ կյանքով ապրող մարդիկ:

Գնումների սայլակներ ու զամբյուղներ: Սա միակ օբյեկտն է, որն ուղեկցում է գնորդին սուպերմարկետում գտնվելու ողջ ժամանակի ընթացքում, ընդհուպ մինչև գանձապահը և ավտոմեքենան: Նմանատիպ գովազդը կարելի է օգտագործել նոր ապրանքի վաճառքի ներդրման ժամանակ:

Չի կարելի թերագնահատել նաև դրամարկղային չեկի վրայի գովազդը: Կտրոնի հետևում կարող է տեղադրվել ցանկացած գովազդ: Յուրաքանչյուր հաճախորդ ստանում է կտրոնը, որի շնորհիվ երաշխավորվում է սպառողի հետ անմիջական կապը:

Հատակի վրա գովազդ: Սուպերմարկետներում հատակն ազատ է, իսկ ինչո՞ւ այն չօգտագործել գովազդի համար: Այն ընձեռում է հսկայական հնարավորություն, քանի որ հատակի պայծառ, յուրահատուկ և հիշարժան գովազդն անշուշտ կբավարարի սուպերմարկետի այցելուների ուշադրությունը՝ խթանելով ապրանքի գնումը:

Այս բոլոր գովազդի տեսակները հիանալի աշխատում են ինչպես համալիր, այնպես էլ առանձին-առանձին և գովազդվող ապրանքի վաճառքի աճի խթանման անփոխարինելի գործիք են հանդիսանում: