Տաս պատասխաններ, որոնք պետք է պատրաստել նախքան գործատուի հետ աշխատանքային հարցազրույց ունենալը

Անհրաժեշտ է պատշաճ կերպով պատրաստվել նախքան աշխատանքային հարցազրույցին մասնակցելը: Այլևս բավարար չէ ձեռքսեղմումով, աչքերի կոնտակտով կամ հաճելի պահվածքով բավարար տպավորություն թողնել գործատուի վրա: Անհրաժեշտ է պատրաստել տպավորիչ դիմում-նամակ և ինքնակենսագրական: Պետք է փնտրել համապատասխան աշխատատեղ և ներկայանալ վստահ, ի վիճակի լինել պատասխանել բոլոր կտրուկ հարցերին միանգամից:

Չնայած ոք ոք չի կարող կռահել այն հարցերը, որոնք գործատուն կարող է հարցնել Ձեզ, այնուամենայնիվ Դուք կարող եք պատրաստել որոշ հավանական պատասխաններ: Ահա այն տաս հարցերը, որոնք կարող են Ձեզ օգնել՝

1.    Պատմեք ինձ Ձեր մասին:

Այս հարցն ուղղելիս գործատուն միանշանակ չի ցանկանում իմանալ ձեր կյանքից մանրամասներ: Նա ցանկանում է իմանալ, թե որքան եք Դուք համապատասխանում ընկերության պահանջներին, տեղեկանալ ձեր աշխատանքային փորձի մասին: Դուք կարող եք հարցնել, թե ինչ է նա ցանկանում իմանալ: Կամ էլ կարող եք խոսել ձեր կրթության մասին, այն ամենի մասին, ինչ կարծում եք առնչություն ունի աշխատանքի հետ և կարող է օգնել ընկերության աշխատանքին:

2.    Ինչու՞ պետք է մենք Ձեզ աշխատանքի ընդունենք:

Հավանաբար հինգ այլ հավակնորդներ սպասում են սպասասրահում հարցազրուց տալու համար: Դու պետք է լինես վստահ և հանգիստ: Փորձիր շեշտը դնել այն հատկանիշների վրա, որոնք կարող են թվալ գործատուի համար առաջնային (ինչպես օրինակ՝ շուտ սովորելու կարողությունը, աշխատանքային էթիկետին տիրապետելը):

3.    Որո՞նք են ձեր վատ հատկանիշները:

Մարդկային ռեսուրսներով զբաղվող որոշ մասնագետներ կարծում են, որ նման պատասխանները, ինչպես՝ <<Ես կարծում եմ, ես պերֆեկցիոնիստ եմ>>, <<Բոլորն ասում են, որ ես չափից շատ եմ աշխատում>> դարձել են կլիշեներ: Կարելի է նշել մի փոքր թերություն, օրինակ. <<Ես կարծում եմ, ժամանակ առ ժամանակ ես շատախոս եմ դառնում, բայց ես աշխատում եմ այդ ուղղությամբ>>:

4.    Որտե՞ղ կցանկանայիր լինել հինգ տարի անց:

Եվս մեկ անգամ նշիր այդ աշխատանքի կարևորությունը քեզ համար, և որ այն ժամանակավոր բնույթ չի կրում, և դու չես փնտրում այլ աշխատանք ավելի լայն հնարավորություններով: Կարելի է պատասխանել հետևյալ կերպ. <<Ես կցանկանայի աշխատանքի անցնել նման փոքր ընկերությունում, ինչպես ձերն է: Այստեղ ես կարող եմ սովորել, զարգանալ և հաջողության հասնել>>:

5.    Ինչո՞ւ եք Դուք հեռացել նախկին աշխատանքից:

Երբեք մի ներկայացրու քո նախկին գործատուին կամ աշխատակիցներին վատ լույսի ներքո: Մի մեղադրիր նրանց քո աշխատանքից հեռանալու մեջ: Դրական պատճառաբանություն ունեցիր, օրինակ՝ դու լքել ես այդ աշխատանքը այլ հնարավորություն ձեռք բերելու նպատակով, որն ավելի հարմար կարող է լինել քո կարողություններին:

6.    Պատմեք ձեր կյանքում տեղի ունեցած որևէ խնդրի մասին և ինչպե՞ս եք լուծել այն:

Պատրաստ եղեք նման որևէ պատմություն պատմելուն հնարամիտ կերպով: Օրինակ կարելի է պատմել նման պատմություն. <<Ես ցանկանում էի ընդունվել համալսարան, ստանալ բարձրագույն կրթություն, բայց ֆինանսապես իմ ծնողները պատրաստ չէին: Ես պարապեցի երկու տարի և կես դրույքով աշխատեցի: Հաջորդ տարի միայն ընդունվեցի համալսարան>>:

7.    Խնդիրներ եղե՞լ են ձեր գործատուի կամ աշխատակիցների հետ:

Անհնար է երկարատև աշխատանքի ընթացքում չծագեն անհամաձայնություններ: Դու կարող ես պատասխանել հետևյակ ձևով. <<Չնչին բաներ: Ես փորձում էի լավ հարաբերությունների մեջ մնալ բոլորի հետ>>:

8.    Ինչպե՞ս ես կարողանում սթրեսն աշխատանքի մեջ հաղթահարել:

Գործատուն ցանկանում է իմանալ, արդյոք դու պատրաստվում ես փախչել դռնից, երբ կհանդիպես սթրեսային իրավիճակի: Դուք ինքներդ ձեր մեջ ունեցեք պատասխանն, արդյոք ձեզ խուճապի կարող են ենթարկել  որևէ աշխատանք կատարելու սահմանված ժամկետները, կամ ձեզ հավելյալ ժամանակ է անհրաժեշտ ավելի արդյունավետ աշխատելու համար թե ոչ: Եղիր ազնիվ: Կարող ես պատասխանել այս կերպ. <<Ես փորձում եմ կենտրոնանալ իմ աշխատանքի վրա>>:

9.    Որքա՞ն ես պատրաստ վարձատրվել աշխատանքի դիմաց:

Փոխարենը որևէ գումարի չափ նշելը, կարող ես նշել, որ ակնկալում ես այնքան, որքան այդ աշխատանքի դիմաց վարձատրվում են:

10. Դուք հարցեր ունե՞ք:

Միշտ պատրաստիր քո սեփական հարցերը: Դրանց միջոցով կարող ես ցույց տալ, որ դու ուսումնասիրել ես նրաց աշխատանքը: Կարող ես հարցնել նրանց ընթացիկ աշխատանքի մասին կամ խնդրին վերաբերող որևէ հարց:

Հիշի´ր, երկու օր տևողությամբ աշխատանքային հարցազրույցը անհատականությունը բացահայտելու միտված գործընթաց է: Նախօրոք պատրատվելը, հարցազրույցի ընթացքում խելացի պատասխաններ տալը կնշանակի, որ Դուք եք հենց անհրաժեշտ մասնագետը: Բայց մյուս տեսանկյունից, Դուք պետք է որոշեք, երբեմն հարցազրույցի ընթացքում, արդյոք աշխատատեղը ձեզ դուր է գալիս, և այդ ընկերությունը հենց այն վայրն է, որտեղ Դուք ցանկանում եք ծախսել ձեր կյանքի գոնե մի քանի տարիները:

Մարիանա Սարգսյան