Մանկական գովազդ

   Ո՞րն է հաջողված մանկական գովազդի գաղտնիքը: Երեխաների վրա գովազդի ազդեցության արդյունքների համաձայն գովազդային հոլովակը դիտած երեխաների 50%-ը փորձում է համոզել ծնողներին գնել գովազդվող ապրանքը: Ծնողների 28%-ը չի կարողանում մերժել և համաձայնում է գնել:

    Երեխաները սիրում են վառ, գունագեղ պատկերներ: Գովազդի ընթացքում ցանկալի է երաժշտության ուղեկցությունը. երեխաները հիշում են երգը և հետո կարող են երգել: Գովազդն անմիջապես պետք է ուղղված լինի երեխային:

  Հասարակությունը վաղուց անհանգստացած է երեխաների մասնակցությամբ գովազդի նկարահանումներով: Գովազդի մասին օրենքով արգելվում է անչափահասների նկարահանումը գովազդում, եթե գովազդվող ապրանքը անմիջապես նախատեսված չէ երեխաների համար: Սակայն հարյուր տարի առաջ նման սահմանափակում չկար: 

   Այնուամենայնիվ օրենքը չի սահմանում ընտանեկան սպառման ապրանքների գովազդի մեջ երեխաների մասնակցության արգելք: Բանն այն է, որ երեխաները հանդիսանում են դրական էմոցիաների ուժեղ աղբյուր: Գովազդի մեջ երեխաների մասնակցությունը մեծահասակների մոտ ջերմություն և վստահություն են ներշնչում: Դժվար է պատկերացնել, որ եթե ապրանքը գովազդում է երեխա, այդ ապրանքը կարող է լինել անօրակ կամ վնասակար:

    Dolce&Gabbana գովազդային արշավի պաստառի վրա երեխաները փորձում են մեղմել լուրջ կանացի կերպարը՝ ակնարկելով, որ նորաձև հագուստ կարելի է կրել անկախ իրավիճակիֆց և ընտանեկան կարգավիճակից:

    Ռուսական գովազդի պրակտիկայում կա մի հեռուստագովազդ, որը կարողացել է հատել ժողովրդականության բոլոր ռեկորդները: Նրանում հնչած մեջբերումները դարձել են թևավոր խոսքեր, իսկ գովազդային ընկերությունը ստացել է բազմաթիվ մրցանականեր: Խոսքը գնում է <<Моя Семья>> ապրանքանիշի հոլովակի մասին, որտեղ նկարահանվել է մի փոքրիկ աղջնակ:

    Հասկանալի է, որ կան ապրանքներ, որոնց գովազդը առանց երեխայի մասնակցության պարզապես անհնար է: Օրինակ մանկական տակդիրներ կամ մանկական կեր – այս գովազդներում ներգրավված փոքր երեխաները շատերի մոտ են հրճվանք առաջացնում:

   Առանց երեխաների մասնակցության չի կարող գոյություն ունենալ գավազդի ևս մեկ  տեսակ: Դա երեխաների պաշտպանությանն ուղղված սոցիալական գովազդն է, որը երեխաներին երբեմն ներգրավում է ցնցող քարոզարշավների մեջ:  

  Հաճախ հնչում են մեղադրանքներ, որ գովազդը կարող է բացասական ազդեցություն ունենալ երեխաների վրա՝ ներշնչելով նրանց սխալ արժեքներ՝ շեշտը դնելով նյութականի, այլ ոչ հոգևորի վրա: Դժվար է ասել, թե ինչ պատասխանատվություն է դրված գովազդի և ինչպիսի՝ հասարակության առջև:

  Առևտրային գովազդն ուղղված է ապրանքների և ծառայությունների նկատմամաբ ուշադրություն ներգրավելուն և խթանելու դրանց վաճառքը, որն էլ հաջողությամբ կատարում է:

Աննա Առաքելովա