Կեր ՇՈԿՈԼԱԴ և ապրիր առողջ / I LOVE CHOCOLATE

Շոկոլադը հանդիսանում է ամենատարածված հրուշակեղենը ամբողջ աշխարհում: Մենք սիրում և վայելում ենք այն իր բոլոր տեսակներով և համային հատկություններով հանդերձ, բայց որքան ենք մենք տեղեկացված շոկոլադի մասին: Կարծում ենք, եթե այսօր որևէ մեկին ասեն որ շոկոլադը օգտակար է՝ ոչ ոք չի զարմանա։ Սակայն եթե հարցնենք, թե հատկապես ինչո՞վ է օգտակար՝ շատ քչերը կարող են պատասխանել։ 

Office Time-ը կներկայացնի քանի փաստեր շոկոլադի օգտակարության մասին, որն ընթերցելուց հետո կիմանաք վերոնշյալ հարցի պատասխանը։

Ուսումնասիրությունները ցույց են տալիս, որ շոկոլադ սկսել են օգտագործել դեռևս 2500 տարի առաջ Կենտրոնական Ամերիկայում: 

Մայաների քաղաքակրթությունը կակաոն համարել է աստվածային պարգև, և ըստ այդմ այն բարձր է գնահատվել: Այն օգտագործվել է հանդիսավոր արարողությունների ժամանակ և երբեմն նաև ծառայել է որպես փողին համարժեք վճարման միջոց:

 "Կակաո” բառը մայաների լեզվից թարգմանաբար նշանակում է «Աստվածային սնունդ», և երբ 16-րդ դարում այն մուտք գործեց Եվրոպա, իր հիմնական անվանմանը ավելացնելով լատինական «Theobroma» բառը՝ մատնանշելով կակաոյի ծառը, հնչեց որպես “Theobroma Cacao” (Աստվածների սնունդ):

Կակաոյի ծառը նուրբ և զգայուն բույս է: Այն ծաղկում է տարին երկու անգամ և ունի երկգույն ծաղիկներ՝ սպիտակ՝ իգական, վարդագույն՝ արական: Այս երկու տարասեռ ծաղիկների միասնությամբ էլ ստեղծվում է շոկոլադը:

Շոկոլադի անունն առաջացել է ացտեկյան «xocalati» բառից, որը նշանակում է «դառը ջուր»: Այն եղել է խիտ, դառը ըմպելիք և համարվել է առողջարար նյութ: Միայն վերնախավը կարող էր վայելել այս ըմպելիքը:

Առաջին անգամ կակաոյի պտուղները հայտնվել են Եվրոպայում 1500-ականների սկզբին: Իսպանացիները կարողացան գնահատել կակաոյին վերագրված արժեքը և սկսեցին կակաոյի պտուղների ներմուծումը Իսպանիա: Լինելով թանկարժեք ներմուծվող ապրանք՝ շոկոլադը մոտ 300 տարի համարվել է վերնախավի ըմպելիք և վերին դասի խորհրդանիշ:

Շոկոլադե ամենամեծ ստեղծագործությունը համարվում է Մելբուրնի Զատկի ձուն՝ 10 ոտնաչափ բարձրությամբ և 4,484 ֆունտ քաշով:

1. Շոկոլադը օգտակար է սրտի համար: Այն մարդկանց մոտ, որոնք պարբերաբար շոկոլադ են օգտագործում, սրտային հիվանդությունների հավանականությունը կրճատվում է 37%:

2. Շոկոլադը բարձրացնում է տրամադրությունը՝ ուղեղում սերոտոնինի քանակի մեծացման հետևանքով:

3. Շոկոլադը տղամարդկանց մոտ նվազեցնում է սրտամկանային ինֆարկտի վտանգը: Շոկոլադի դրական էֆեկտի մասին արդեն խոսվեց վերևում, բայց հենց այս եզրակացության են եկել գիտնականները, որոնք 10 տարի անընդմեջ հետազոտել են տղամարդկանց, որոնք շաբաթական ուտում էին 63 գրամ շոկոլադ:

4. Իտալացի գիտնականները ապացուցել են, որ մարդիկ, որոնք մեծ քանակով շոկոլադ են ուտում՝ ծերության ժամանակ ավելի քիչ են տառապում մտագարությամբ:

5. Շոկոլադը բթացնում է սովի զգացումը: Բավական է ուտել 10 գրամ սև շոկոլադ, որպեսզի սովը անցնի:

6. Շոկոլադի սիրահարները ավելի երկար են ապրում: Դա ապացուցելու հետազոտությունները շարունակվել են 60 տարի: Պարբերաբար շոկալադի օգտագործումը երկարեցնում է կյանքը մեկ տարով:

7. Շոկոլադի ոչ մեծ չափաբաժնի օգտագործումից հետո, մարդիկ ավելի լավ են կարողանում լուծել մաթեմատիկական խնդիրներ: Դա ապացուցել են Մեծ Բրիտանիայի գիտնականները: Շատերը պնդում են, որ մի քանի կտոր շոկոլադից հետո, նրանք ավելի լավ են սկսում մտածել:

8. Գիտնականները ապացուցել են, որ մեկ գավաթ տաք շոկոլադը մեղմացնում է կոկորդի ցավը և մեղմում հազի ռեֆլեկսը:

9. Ըստ վիճակագրության, երկրներում, որտեղ ավելի շատ են օգտագործում շոկոլադ՝ ավելի շատ են Նոբելյան մրցանակները:

10. Շոկոլադի երկրպագուների թվում կանայք երկու անգամ ավելի շատ են, քան տղամարդիկ:

11. Նկատվել է, որ շոկոլադի նկատմամբ քաղցը կարելի է հագեցնել միայն շոկոլադով (որն ամենևին էլ զարմանալի չէ):

12. Շոկոլադը հանդես է գալիս որպես թույլ հակադեպրեսանտ, քանի որ այն մեծացնում է սերոտոնինի և էնդորֆինի արտադրությունը ուղեղում:

13.    Բելգիայի շոկոլադի արդյունաբերությունում աշխատում է 17,000 մարդ:

14. Չնայած, որ շոկոլադը պարունակում է մեծ քանակությամբ ճարպ, այն չի      նպաստում արյան մեջ խոլեստերինի մակարդակի աճին:

15. Շոկոլադի նկատմամբ ալերգիան հազվադեպ երևույթ է (լավատեսական տեղեկություն, այնպես չէ՞):

16.    Ամբողջ աշխարհի շոկոլադի սպառման մոտ 50%-ը բաժին է ընկնում Ամերիկային:

17. Նապոլեոնը միշտ իր մոտ ունեցել է շոկոլադ, որը նա օգտագործում էր որպես տոնուսը բարձրացնող միջոց, երբ նա ուներ էներգիայի պահանջ (և բոլորը կարծում էին, որ նա գնել է այն Ժոզեֆինայի համար):

18. Կակաոյի մեկ հատիկը պարունակում է մոտ 42 ունդ: Մեկ ֆունտ շոկոլադ պատրաստելու համար պահանջվում է 270 կակաոյի ունդ:

Առաջին անգամ Եվրոպայում 1874թ-ին Ջոզեֆ Ֆրայը պատրաստեց շոկոլադե սալիկ, բայց քանի որ այն չափազանց դառն էր չգրավեց մարդկանց:

Միայն 1874թ-ին Դանիել Փիթերը՝ փորձարկելով մի քանի խառնուրդներ, հասկացավ, որ կարելի է ավելացնել կաթ: Այս փորձը բերեց բավականին մեծ ճանաչում և՛ իրեն, և՛ շոկոլադին:

by Karine Bayramyan