ԳՈՒՅՆԵՐԸ ԵՎ ՄԵՆՔ։ԻՆՉՊԵՍ ԵՆ ԱԶԴՈՒՄ ԳՈՒՅՆԵՐԸ ՄԱՐԴՈՒ ԲՆԱՎՈՐՈՒԹՅԱՆ ԵՎ ԱՇԽԱՏՈՒՆԱԿՈՒԹՅԱՆ ՎՐԱ

Դեռ հնագույն ժամանակներից մարդիկ մեծ նշանակություն են տվել գույներին և կարողացել են կարդալ "գույների լեզուն",ինչն էլ արտացոլվել է հնագույն դիցաբանության, տարբեր երկրների առասպելների,հեքիաթների ,ինչպես նաև  կրոնական մի շարք ձեռնարկների մեջ։ Աստղագիտության մեջ 7 հիմնական գույները համընկնում են 7 մոլորակների հետ. Մարսը կարմիր գույնն է, Սատուրնը կանաչ, Վեներան կապույտ,  Յուպիտերը  վարդագույն, Արևին համապատասխանում է նարնջագույնը, իսկ Լուսնին` մանուշակագույնը: Գույները ոչ միայն ասոցացվում են մոլորակների հետ, այլև արտացոլում են մարդյկանց սոցիալական դիրքն ու նրանց տարբեր հոգեբանական վիճակները:  Դա ակնհայտ է մարդկանց տարազների, ժողովրդական ասացվածքների եվ մշակույթի մեջ:
Հնուց տարբեր ազգեր մեծ  հետաքրքրություն են ցուցաբերել կարմիր գույնի հանդեպ: Շատ ազգերի մոտ այն նշանակում է "գեղեցիկ", "ամենագեղեցիկ":

Կարմիր գույնը առաջին հերթին ասոցացվում է կրակի և արյան հետ: Կարմիրը ունի շատ հակասական նշանակություն: Մի կողմից այն ասոցացնում է գեղեցիկը, ուրախությունն ու սերը, մյուս կողմից պատերազմ, վրեժխնդրություն և անհաշտություն: Այն նաև նշանակում է հզորություն և իշխանություն:
Սպիտակ գույնը նշանակում է մաքրություն , անմեղություն և բարություն: Սպիտակի մեջ մարդիկ տեսնում են օրինականություն, պտղաբերություն և լուսավորություն: Սակայն սպիտակն էլ ունի հակասական նշանակություն: Այն նետրալիզացնում է մնացած գույները և ասոցացվում է դատարկության, անէականության և սառը լռության հետ: Այն ասոցացնում է հենց մահը: Ասիական մի շարք երկրներում սպիտակը սգո գույն է:
Սև գույնը սովորաբար ասոցացնում են սգի. խավարի, չարի և նեգատիվի հետ:
Սև աչքերը համարվում են նախանձկոտ և չար, իսկ սև հագած պերսոնաժները միշտ չարագործներ են: Սակայն սևն էլ ունի դրական նշանակություն: Աֆրիկայի չոր անջուր անապատներում պահապան հրեշտակներին, որոնք ջուր են ուղարկում տեղացի ժողովրդին, զոհաբերում են սև ցուլերի, թռչունների: Այդ ժամանակ ծիսակատարը սև է հագնվում:
Կապույտ գույնը շատ ժողովրդների մոտ նշանակում է երկինքը, անծայրածիրությունն ու հավերժությունը: Ինչպես նաև բարություն և առաքինություն: "Կապույտ արյուն" ունեին արքայական ծագում ունեցողները:
Դեղին գույնը արևի գույնն է: Այն նաև ասոցացվում է ոսկու հետ: Արտացոլում է աշնան դեղինը, տերևները: Սակայն շատ երկրների մոտ այն նույնպես նշանակում է սուգ և բաժանում:

Գույներն ազդում են նաև մարդկանց բնավորության վրա: կախված նրանից, թե որ գույնն է գերադասում մարդը, կարելի է հասկանալ նրա խառնվածքի յուրահատկությունները: Այսպիսով

Սպիտակը իդեալական գույն է, այն իր մեջ համատեղում է մաքրությունն ու սառուցի սառնությունը: Այս գույնը երբեք չի վանում, այդ իսկ պատճառով էլ այն կարող է նախընտրել յուրաքանչյուր մարդ:

Սևը նախընտրողները անվստահ և դեպրեսիվ մարդիկ են: Նրանք մեծամասամբ կյանքը ընկալում են նրա սև կողմից, միսշտ տխուր են: Անընդհատ սև հագնելը նշանակում է, որ մարդը կրիզիսային վիճակում է: Երեխաները, որոնք զրկված են սիրուց և հոգատարությունից, իրենց նկարներում շատ են օգտագործում սև շտրիխներ:
Մոխրագույնը նախընտրում են սթափ և կասկածամիտ մարդիկ, որոնք շատ երկար ծանր ու թեթև են անում նախքան որոշում կայացնելը: Այս գույնը նախընտրում են ստվերում մնալ սիրող մարդիկ, նաև մարդիկ, որոնք զգում են ուժեղ գերհոգնածություն և ցանկանում են իրենց զերծ պահել ուրիշների ներխուժումից սեփական տարածք:
Կարմիրը կրքի գույնն է։ Այս գույնը նախընտրող մարդը ունի կամքի ուժ,համարձակ է ևիշխող։ Նա շուտ բռնկվող է ևշատ շփվող։ Եթե այս գույնը նյարդայնանում է մարդուն, ապա նա տառապում է թերարժեքության բարդույդով,առանձնանում է մարդկանցից մեկուսանալու սովորությամբ։ Կարմիրը նաև էգոիստների գույնն է։
Շականակագույն սիրող մարդիկ, ովքեր ամուր կանգնած են սեփական ոտքերի վրա, գիտեն ինչ են ուզում։ Նրանք հարգումեն ավանդույթներն ու ընտանիքը։ Այս մարդիկ ձգտում են սովորական փոքրիկ հաճույքների, հետևում են իրենց ինստինկտներին։
Դեղինը նախընտրում են հանգիստ,ինչպեսնաևինտելիգենտ մարդիկ։ Եթե նրանք սիրում են, ապա մեր առջև հաճելի մարդիկ են,ովքեր ուրախանում են և ուրախացնում։ Իսկ հակառակ դեպքում տեսնում ենք վատատես և ընկճված մարդու։
Կապույտը երկնքի գույնն է,հանգստության ,համեստության և մելանխոլիայի։ Իսկ եթե գույնը դուր չի գալիս, ապա մարդը ցանկանում է ցույց տալ աշխարհին,որ ինքը ամեն ինչ կարող է, սակայն իրականում նա անվստահ է և պարփակված։
Կանաչը բնության արտացոլանն է։ Ով սիրում է այդ գույնը, վախենում է ուրիշի ազդեցությունից, փորձում է ինքնահաստատվել։ Իսկ ով չի սիրում, փախչում է բոլոր դժվարություններից, կենցաղային խառը իրավիճակներից։

Գույները նաև ազդում են աշխատունակության վրա։ Օրինակ՝երկնագույնը նպաստում է ինֆորմացիայի հեշտ ընկալմանն ու ընկերական հարաբերությունների ամրապնդմանը։ Իսկ մուգ կապույտը հակառակը ՝ ճնշում է և խանգարում մտածելուն։
Կանաչը հանգստացնում է նյարային համակարգը, անցկացնում է գլխացավը և ճնշումը։
Կարմիրը բարձրացնում է ադրենալինը և աշխատունակությունը, սակայն կարմիրի չարաշահումը բարձրացնում է ագրեսիվությունը։

Այսպիսով ի՞նչ գույների մեջ զարդարել գրասենյակը,որպեսզի աշխատելը հաճելի և օգտակար լինի։ Լավ կլինի դեղինի բաց երանգների մեջ, քանի  որ մուգ դեղինը նպաստում է ագահությանն ու անբավարարվածությանը, իսկ բացը օգնում է լավ աշխատելուն, ինչպես նաև բանակցությունների ժամանակ լավ արդյունքների հասնելուն։

                                                                         Մարիամ Սարգսյան