ԳՈՐԾԱՐԱՐ ՇՓՄԱՆ ԱԶԳԱՅԻՆ ԱՌԱՆՁՆԱՀԱՏԿՈՒԹՅՈՒՆՆԵՐԸ/Մաս2/

Ավստրալիացիներ

Ավստրալիայում գործարար փոխհարաբերությունների ժամանակ խորհուրդ է տրվում խուսփել ծայրահեղ շտապողականությունից և բծախնդրությունից: Ավստրալիացիները գերադասում են գործ ունենալ հանգիստ ւև հավասարակշիռ մարդկանց հետ: Զրույցի ընթացքում առավել տարածված թեման հանգիստն է, և եթե ավստրալիացուն սկսեք պատմել ձեր երկրի հանգստյան  վայրերի և, առհասարակ, հանգիստ անցկացնելու ձևերի մասին, ապա նա անպայման մեծ հետաքրքրություն կցուցաբերի: Ավստրալիացիները շատ են սիրում սպորտը և իրենց գործընկերևների հետ մեծ սիրով կցանկանան զրուցել մարզական թեմաներից:

Ավստրալիայում շատ են գործածում տեղական արտադրության կարմիր գինիները, ուստի ավստրալիացի գործընկերոջ հետ զրուցելիս նրան <<ձեզանով անելու >> համար աշխատեք գովել ավստրալիական գինին:

Ավստրալիայում գործարար մարդիկ հագուստին այնքան էլ նշանակություն չեն տալիս:

            Դատարկաձեռն հյուր գնալ այս երկրում ընդունված չէ, հարկավոր է թխվածք կամ մեկ շիշ գինի վերցնել:

Զրուցակիցների միջև հեռավորությունը մեծ է`60-100 սմ:

Իսպանացիներ

Իսպանացիներին բնորոշ են անկեղծությունը, քաղաքավարությունն ու հումորի զգացումը: Ճշտապահության տեսանկյունից նրանք գերմանացիների հակապատկերն են: Իսպանացիների հետ գործարար հանդիպումը չպետք է նշանակել կեսօրին:

            Բանակցություններն սովորաբար սկսվում են եղանակի, սպորտիև այլ կողմնակի թեմաների շուրջ քննարկումներով: Իսպանացիները շատ են սիրում խոսել և գործարար բանակցությունները վարում են ոչ հստակ կանոնակարգված ձևով: Ծանոթությունը տեղի է ունենում համընդհանուր օրենքների համաձայն`ձեռքսեղմում և այցեքարտերի փոխանակում:

            Իսպանացիները հազվադեպ են իրենց գործընկերներին տուն հրավիրում: Հրավերքի դեպքում հարկ է տանել ծաղիկներ և գինի: Նախաճաշին մնալու խնդրանքն ընդամենը ձևականություն է: Այն չպետք է ընդունել նույնիսկ կրկնության դեպքում: Միայն երրորդ անգամվա խնդրանքը կարելի է անկեղծ համարել և ընդունել: Իսանիայում նախաճաշում են ժամը 14:00-ին:

Չափազանց թանկարժեք նվերը կարող է կաշառքի տպավորություն թողնել և փչացնե հարաբերությունները:

            Այն գործարար կանանց, ովքեր ցանկանում են իսպանացիների վրա տպավորություն գործել, խորհուրդ է տրվում հագուստ ընտրելիս զուգակցել սևն ու սպիտկաը կամ սևն ու կարմիրը:

            Ուշադրություն է գրավում նաև սև զգեստը`սև պիջակի և ոսկեգույն շարֆիհետ, կամ սպիտակ օձիքով սև զգեստը:

Ոչ պաշտոնական զրույցի ընթացքում պետք է խուսափել զրուցակցի անձնական կյանքին, ինչպես նաև իսպանական քաղաքացիական պատերազմին առնչվող հարցերի քննարկումից:

Զրուցելիս իսպանացիները նախընտրում են մոտ տարածությունը:

Իտալացիներ

Իտալիայում գործարար հարաբերությունների պրակտիկան համապատասխանում է եվրոպական շատ երկրներում ընդունված նորմերին:

            Իտալացիները մեծ նշանակություն են տալիս բանակցությունների վարման մակարդակին:

            Իտալական ֆիրմայի հետ գործարար հարաբերություններ կարելի է հաստատել նաև պաշտոնական նամակներով:

            Իտալացիները սրտաբաց են և հաղորդակցվող: Բիզնեսմենները գործընկերների հետ ոչ պաշտոնական հարաբերություններին մեծ նշանակություն են տալիս և համարում են, որ նմանատիպ հանդիպումները նպաստում են բանակցությունների նորմալ ընթացքին:

            Իտալացիների համակրանքը շահելու և հաճելի զրույց վարելու համար հարկավոր է մեծ հետաքրքրություն արտահայտել իտալակյան մշակույթի և պատմության հանդեպ: Այս թեմաներն իտալացիները քննարկում են ամենուր, նրանք շատ են հպարտանում իրենց նախնիների նվաճումներով և կարծում են, որ իրենց երկիրը իսկական թանգարան է՜ բաց երկնքի տակ:

            Թունդ խմիչքներ այստեղ հազվադեպ են օգտագործում: Ճաշի ժամանակ ըտնդունված են տեղական գինիները: Երկարատև բաժակաճառեր Իտալիայում ընդունավ չեն: Խմելուց առաջ Իտալացիներն ասում են <<չին-չին>>:

            Գործարար կանանց բանակցությունների ժամանակ խորհուրդ չի տրվում երեքից ավելի գույն ունեցող հագուստ կրել: Սանրվածքները կարող են կազմատեսակ լինել:

            Շատ   ընդունված է իտալացի կնոջ ձեռքը համբուրելը:

            Ծանոթի հանդիպելիս սկզբում հարկ է հարցնել  նրա երեխաների, հետո միայն նրա առողջության մասին:

Երբ իտալացին ինչ-որ միտք անհեթեթ է համարում, արտահայտիչ կերպով <<թակում>> է գլխին, իսկ երբ ցուցամատով թփթփացնում է քթին, կամենում է ասել. <<Զգույշ եղեք, ձեր դեմ դավադրություն են կազմակերպում>>:

            Զրույցի ընթացքում հեռավորությունը փոքր է: