Տանից աշխատելու երազանքը հիմա իրականություն է

Սունջիթ Պատելը մի հայտնի կազմակերպության գրաֆիկական դիզայներ է: Նա ապրում է Անգլիայում հինգ տարեկան հասակից: Ապրում է Լոնդոնի հարավում, և վերջին երեք տարիներին աշխատում է տանից: Նա նախընտրում է աշխատել տանը, քանի որ կարող է ավելի շատ ժամանակ ծախսել իր ընտանիքի հետ և մնալ աշխատանքային ռիթմի մեջ: Միայն Սունջիթը չէ: Բրիտանիայում կան 2,1 միլիոն մարդիկ, ովքեր աշխատում են տանը ներկա պահին:  Դրան ավելացրած մոտ 8 միլիոն մարդ իր ժամանակը ծախսում է աշխատանքի մեջ տանը, քան գրասենյակում: Համարյա այդ թիվը կրկնապատկվել է, երբ համեմատում ենք 10 տարի առաջվա տվյալների հետ:

Այս արագ զարգացող տենդենցը նույնն է շատ երկրներում: Բայց որոնք են դրանց պատճառները: Հիմնական պատճառը տեխնոլոգիական է. տեխնոլոգիաների հասանելի օգտագործում, հեռախոսների և վիդեոկոնֆերանսների հասանելիություն: Այս ամենը թույլ է տալիս մարդկանց տանն իրենց զգալ ինչպես գրասենյակում` արդյունավետ և վճարունակ կերպով:

Մեկ այլ պատճառ, թե տանից աշխատանքն ինչու է շահեկան թե գործատուի, թե գործառուի համար հետևյալն է: Գրասենյակի տարածքը վճարովի է, հետևաբար, կազմակերպությունը հնարավորություն կունենա տեղափոխվել ավելի փոքր տարածք: Աշխատողներն հաճախ տանից ավելի լավ են աշխատում: Դեպի աշխատավայր ճանապարհը կարող է լինել շատ ժամանակատար և հոգնեցնող: Նրանք խնայում են շատ ժամանակ, և կարող են աշխատել ավելի թարմ ու արդյունավետ:

Սունջիթ Պատելը ասում է. <<Ես սկսեցի աշխատել տանից, երբ իմ տղան ծնվեց և իսկապես հաճույք էի ստանում իմ աշխատանքից: Բայց ես կարող եմ ձեզ ասել, որ տանից աշխատանքը պահանջում է հատուկ հմտություններ, ինչպես օրինակ սեփական անձի հանդեպ կարգապահություն և ժամանակի ճիշտ կառավարում: Ես ճանաչում եմ իմ ղեկավարին և գործընկերներին երկար ժամանակ է արդեն, որն իսպաես օգնում է, քանի որ միմյանց վստահում ենք: Դու նաև պետք է լինես կանոնավոր կապի մեջ, հեռախոսի միջոցով, կանոնավոր կերպով գրասենյակ այցելես նաև: Այլապես, կարող է այնպիսի կարծիք ստեղծվել, որ դու աշխատանքի ընթացքից դուրս ես գտնվում>>:

Ոչ բոլորն են կիսում Սունջիթի կարծիքը: Ինտերնետում նաև այսպիսի կարծիքներ կան.<<Միայն այն մարդիկ կարող են աշխատել տանից, ովքեր կատարում են երկրորդական, ոչ այդքան էլ կարևոր աշխատանք: Կարող են վիրաբույժները տանից աշխատել: Հրշեջները, կամ շտապ օգնության վարորդները: Եթե դու տանից ես  աշխատում ամբողջ օրը (լրիվ դրույքով), ապա դու ոչ նշանակալի աշխատանք ես կատարում>>:

Սակայն, Սունջիթը և 2.1 միլիոն մարդիկ նրա հետ միասին այդպես չեն կարծում:

Մարիանա Սարգսյան