ԺԱՄԱՆԱԿԱԿԻՑ ԿՆՈՋ ԴԵՐԸ ՀԱՍԱՐԱԿՈՒԹՅԱՆ ՄԵՋ:

Ժամանակակից աշխարհում,  տեխնոլոգիաների զարգացման աշխարհում, անընդհատ առաջընթացի և հայտնագործությունների, ազատության և ֆեմինիզմի դարաշրջանում առավել կարևոր և սուր է հարցը, թե ինչ դեր ունի կինը հասարակության մեջ:

Ըստ ՄԱԿ - ի տվյալների այս խնդիրը աշխարհում բնապահպանա-տնտեսագիտական խնդիրներից հետո 2-րդ տեղն է զբաղեցնում: Այսօրվա կինը ստեղծագործ է և ինքնակառավարվող, հասնում է հաջողությունների կյանքի բոլոր ոլորտներում:Նա կարողանում է ինքնուրույն պլանավորել սեփական կյանքը, բարձրագույն կրթություն ստանալ և աշխատանքի իրավունք ստանալ: Նա ինքն է որոշում ամուսնանալ թե ուղղակի ապրել համատեղ կյանքով ,ձգտում է սեռական ազատության և ծննդի վերահսկողության: Կինն արդեն սովորել է նորագույն տեխնոլոգիաների շնորհիվ լինել ավելի գեղեցիկ: Նա ձգտում է քայլել իր բուռն դարաշրջանի հետ համընթաց, դարաշրջանի,որում անխոս կնոջ առաջընթացի պիկն է արձանագրվում: Կինը սովորել է լինել ոչ միայն իմաստուն, այլ նաև խելացի: Միայն ակտիվ գործունեության մեջ է կինը գտնում իրեն և արտահայտում իր էությունը: նա ունի ընտրելու հնարավորություն, կարող է զբաղեցնել յուրաքանչյուր տեղ հասարակության մեջ: Կինը կանգնել է տղամարդու հետ նույն հարթության  վրա:

Եվ այնուամենայնիվ, ով է կինը?

 Որոշ լեզվաբանների սահմանմամբ, " Կինը դա իգական սեռի ներկայացուցիչ է, ամուսնական հարաբերությունների մեջ ": " Կինը տղամարդու հակապատկերն է սեռական առումով, որը ծննդաբերում է և կերակրում կրծքով երեխաներին" :

Բայց այսքանով կնոջ նկարագրությունը չի ավարտվում: Միթե այս է միակ նրա դերը?

Կինը ոչ միայն ծննդաբերում է և կերակրում իր երեխաներին: Մայրը երեխաներին տալիս է իր քնքշանքը, դաստիարակությունը, օգնում է խորհուրդնրով, խրախուսում է և աջակցում նրանց:

Ամուսնու համար կինը ստեղծում է հարմարավետ և տաքուկ միջավայր տանը, աջակցում նրան ամեն հարցում և որպես կին, ընկեր և հարազատ մարդ միշտ նրա կողքին է:

Կինը որպես աշխատակից ավելի ճկուն է, հնարամիտ և ավելի ուշադիր մանրուքների նկատմամբ, նպատակասլաց է և պատասխանատու: Նրա բացասական կողմը որպես աշխատակից այն է, որ ավելի զգայուն է էմոցիոնալ առումով:

Կինը նաև արարիչէ և ստեղծագործ: Կնոջը ստեղծագործելու համար հարկավոր է դուրս գալ կաղապարներից, սրտում չպահել քեն, լինել սիրված և ուրախ: 

Կինը ոչ թե տղամարդու թույլ տեսակն է, այլ նրա հավասարազոր հակապատկերը: Նա հարգված է, ազատ և խոստումնալից ապագայով: Նա կարողէ ավելի շատ դիմանալ ծանրաբեռնվածությանը, ոչ միայն ֆիզիկական , այլև էմոցիոնալ, թեկուզ համարվում է թույլ սեռի ներկայացուցիչ: Մ.Լարինի հավաստմամբ` " Մարդ լինելը շատ է, իսկ կին լինելը` ավելի շատ": 

Այսպիսով, կինը տղամարդու հակապատկերն է, որն ունի սոցիալական կարգավիճակ, իրավունքներ ու պարտականություններ, մարդկային կյանքի բոլոր ասպեկտները: Չնայած դրան,տղամարդն ու կինը լրացնում են միմյանց և համագործակցում են սոցիալական, միջանձնային, ինչպես նաև կենսաբանական ձևով:

Մարիամ Սարգսյան