Իսկ Դուք կարո՞ղ եք փոխել աշխարհը

Հարգելի՛ընթերցող,

Երբևէ Ձեզ հարց տվել եք՝ ինչո՞վ կզբաղվեիք դուք, եթե շատ փող ունենայիք և ֆինասնի մասին չմտածեիք: Ինչպիսի՞ն կլինեիք, եթե մարդիկ ձեզ ընդունեին այնպիսին, ինչպիսին դուք կաք ձեր պատկերացումներում: Որտե՞ղ կլինեիք, եթե ընտրության հնարավորություն ունենայիք: Կաշխատեի՞ք արդյոք նույն աշխատավայրում, կունենայի՞ք նույն իմիջը, որն ունեք այժմ, կապրեի՞ք այնտեղ, որտեղ հիմա եք, իսկ կձգտեի՞ք կատարյալ ազատության: Իսկ ինչ է «ազատություն» ասվածը: Ազատությունն այն է, երբ անում ես այն, ինչ ուզում ես ու երբ ուզում ես, այլ ոչ թե այն, ինչ ստիպված ես` տարբեր հանգամանքներից ելնելով: Ցավոք, մեր իրականության մեջ միշտ մեր ցանկությունները տեղի են տալիս մեր հնարավորություւներին, և ինքնըստինքյան դառնում ենք հանգամանքների «գերին»:

Մեզանից շատերը հաջողության գաղտնիքը փնտրում են մեզանից դուրս: Գուցե այդպես հեշտ է, բայց իրականում բոլոր գաղտնիքները գտնվում են մեր ներսում: Մենք այն ենք, ինչ այս պահին ունենք ու կանք, և խոսքն ամենևին էլ նյութականի մասին չէ: Մենք մեր մտածելակերպն ենք, սովորությունները, զգացմունքները, վերաբերմունքը, մեր ֆիզիկական մարմինը: Այս ամենն են ձևավորում մեր անձը, կյանքը, անցյալն ու ապագան: Եվ ի վերջո այս ամենն են ձևավորում այն աշխարհը, որտեղ մենք կուզենայինք ապրել:

Յուրաքանչյուրս յուրովի ենք ընկալում այս աշխարհը, դրանում կատարվող փոփոխությունները: Իրոք զարմանալի բան է կյանքը՝ զարմանալի և անչափ հետաքրքիր: Զարմանալի, որովհետև մենք անընդհատ իմանում ենք նորը, և այն, ինչը ժամանակին մտքներովս չէր էլ անցնում և մեզ հրաշք էր թվում, հիմա իրականալի է դարձել:  

Եթե մոտ 500 տարի առաջ մարդկանց ասեին, որ մի օր իրենք ոչ թե ձի են քշելու, այլ ավտոմեքենա, թռնելու են  և աշխարհի մի ծայրից մյուսը խոսելու են հեռախոսով, մարդիկ միգուցե ասողին խելագար անվանեին: Այն, ինչ հիմա մեզ գերժամանակակից է թվում, տարիներ անց սերունդների մոտ ծիծաղ է առաջացնելու: Մեր մեծերը մինչև հիմա էլ զարմանում են, թե ինչպես ենք մենք համակարգչով աշխատում, ինչպես է համացանցում գումար պահվում, ինչպես ենք առցանց գնումներ կատարում, ինչպես է բանկոմատում այդքա՜ն փող տեղավորվում: Կարծես երեկ լիներ, որ Floppy սկավառակ էինք օգտագործում և «Վազ» մակնիշի մեքենա երազում, իսկ այսօր 120Գբ կրիչ ու Bentley ենք ուզում: Եվ ինչպիսի շրջադարձային փոփոխություն եղան մեզ համար բջջային հեռախեսներն իրենցում առկա ֆոտոխցիկներով մեկտեղ: Հիշենք, թե մանկության տարիներին մեր կյանքի հիշարժան ակնթարթները մենք ֆոտոխցիկներով էինք հավերժացնում, իսկ այժմ ամենը մեր փոխարեն մեր հեռախոսններն են անում:

Ժամանակները փոխվում են, տարիներն օրերի պես սահում են ու անցնում: Այո՛, ժամանակն անվերջ առաջ է սլանում, այն չունի կանգառ, այն հարատև է, և մենք պետք է գոնե փորձենք քայլել նրան համընթաց, հետ չնկնել, չնահանջե՛լ, քանզի կորցրած ժամանակն անվերադարձ է, այն ետ բերելն էլ՝ անհնար:

Իսկ երբևէ մտորել եք՝ ինչ կանեիք և ինչպես կփոխեիք աշխարհը եթե ձեզ հնարավորություն ընձեռնվեր , ով կլինեիք և ինչով կզբաղվեիք:

Օրինակ Էլոն Մասկը գործարարների այն տիպին է պատկանում, որոնց ստեղծածով կարելի է հիանալ:  Այս շարքից են, օրինակ, Ռիչարդ Բրենսոնը կամ Սթիվ Ջոբսը: Սրանք այն մարդիկ են, ովքեր բիզնես են անում և փոխում են աշխարհը:

Էլոն Մասկը յուրահատուկ է: Նա այն մարդն է, ով ստեղծել է ավտոմեքենաների iPhone-ը՝ Տեսլան: Նա ստեղծել է SpaceX-ը, որի շնորհիվ ինչ-որ ժամանակ անց մարդիկ կթռչեն տիեզերք, այնպես, ինչպես ինքնաթիռով մի երկրից մյուսն են թռչում: Paypal-ը, որին բոլորդ եք ծանոթ, նույնպես նա է ստեղծել: Իսկ նա դեռ 42 տարեկա՛ն է:

Բոլորիս ներսում պետք է ապրի Էլոն Մասկ: Նա այն անհատներից են ովքեր նպատակները վերածում են իրականության, ովքեր փնտրում ու բացահայտում են նոր հնարավորու-թյուններ և իրենց ստեղծածով փոխում են աշխարհը:

 Դիտե՛ք տեսանյութը:

Իսկ տեսանութից հետո մտորում եք, թե Դուք ինչ կարող եք անել և փոխել աշխարհը:

Հիշե՛ք «Սկսել կարող են բոլորը, ավարտել՝ ամենաուժեղները»:

 made by Karine Bayramyan