Որքա՞ն հանգիստ է պետք՝ առողջ նյարդային համակարգ ունենալու համար

 Ժամանակակից աշխույժ առօրյան, անընդհատ փոփոխվող միջավայրը և մշտական սթրեսը հաճախ ազդում են մեր նյարդային համակարգի վրա։ Արդյունքում՝ մարդիկ կարող են ունենալ լարվածություն, հոգնածություն, քնի խնդիրներ և այլ առողջական խնդիրներ, որոնք էլ, իհարկե, կապված են նյարդային համակարգի հետ, և իրենց ազդեցությունն են թողնում նյարդային համակարգի վրա։ Հանգստին բավարար ժամանակ տրամադրելը կարևորվում է՝ նյարդային համակարգի առողջությունը պահպանելու և ընդհանուր կյանքի որակը բարելավելու համար։  

Նյարդային համակարգի և հանգստի կապը

 Նյարդային համակարգը կառավարում է մարմնի բոլոր հիմնական ֆունկցիաները՝ շարժումից մինչև հույզեր։ Այն բաղկացած է կենտրոնական՝ ուղեղ և ողնուղեղ, և պերիֆերիկ՝ նյարդային մանրաթելեր, համակարգերից։ Մշտական լարվածությունը կարող է հանգեցնել այս համակարգերի գերաշխատանքի, ինչն էլ կարող է հանգեցնել նյարդային սպառվածության կամ բարդ հիվանդությունների՝ ինչպիսիք են անքնությունը, դեպրեսիան կամ սոմատիկ խանգարումները։  

 Հանգիստն անհրաժեշտ է նյարդային համակարգի վերականգնման համար, քանի որ այն նպաստում է.  

•Հորմոնալ հավասարակշռությանը. սթրեսային վիճակներում օրգանիզմը արտադրում է կորտիզոլ, որը մակարդակի բարձր ցուցանիշների դեպքում կարող է վնասել նյարդային բջիջներին։ Հանգիստը նպաստում է այս հորմոնի մակարդակի իջեցմանը։  

•Նյարդային բջիջների վերականգնմանը.քնի ընթացքում ուղեղը «մաքրում է» կուտակված տոքսինները, ինչը կարևոր է առողջ կյանքի և, առհասարակ, առողջ գործունեության, ապրելակերպի և աշխատանքի համար։  

•Հոգեբանական կայունությանը. հանգստի ժամանակ օրգանիզմը «վերածնում»՝ արտադրում է էներգիան, ինչը օգնում է նվազեցնել սթրեսը և բարձրացնել տրամադրությունը, և, իհարկե, ապահովել մարդու գործունեությունը՝ աշխատունակությունը։

 Այս ամենի կողքին պետք է հիշել՝ նյարդային համակարգի առողջության համար կարևոր է ոչ միայն հանգստի տևողությունը, այլև դրա որակը։  

1. Քուն. միջինում մեծահասակներին անհրաժեշտ է 7-9 ժամ որակյալ քուն։ Քնի պակասը խաթարում է նյարդային համակարգի աշխատանքը՝ նվազեցնելով կենտրոնացումը և հիշողությունը։  
2. Ֆիզիկական և հոգեբանական հանգիստ. օրվա ընթացքում անհրաժեշտ է 15-30 րոպե ընդմիջում՝ մարմինը և միտքը հանգստացնելու համար։ Սա կարող է ներառել մեդիտացիա, շնչառական վարժություններ կամ պարզապես բնության մեջ ժամանակ անցկացնելը։  
3. Շաբաթական հանգիստ. աշխատանքային շաբաթից հետո 1-2 օր լիարժեք հանգստանալը նվազեցնում է լարվածությունը և նպաստում օրգանիզմի վերականգնմանը։  

Իսկ ինչպե՞ս բարելավել հանգստի որակը

Նախ՝ կարևորագույնը ռեժիմի սահմանումն է և հստակ ռեժիմի պահպանումը։ Ամեն օր միևնույն ժամերին քնելն ու արթնանալը կարգավորում է բիոռիթմերը։  

Գիտե՞ք՝ էկրանների առջև անցկացնելը որքա՜ն է կլանում մեր էներգիան, հետևաբար՝ վատ է անդրադառնում նյարդային համակարգի վրա։ Էկրաններից հեռու լինելը կամ հանգստյան օրերին դրանից խուսափելը ,վստահաբար, կբարելավի հանգստի որակը։ Օրինակ՝ փաստ է, որ քնելուց առաջ 1 ժամ ոչ մի տեխնոլոգիա չօգտագործելը նպաստում է ուղեղի ավելի արագ հանգստացմանը։  

 Բնականաբար այս ամենը կարող են հանգեցնել սթրեսի առաջացմանը։ Նախ՝ պետք է սթրեսի կառավարման մեթոդներ իմանալ և մշակել։ Օրինակ՝ մեդիտացիա, ստեղծագործական գործունեություն կամ ընկերների հետ շփում։ Սա խիստ անհատական է, պետք է զբաղվել նրանով, ինչը կնպաստի նյարդերի թուլացմանը և, ինչպես ասում են, աշխարհից կտրմանը։

Եզրակացություն

 Հանգիստը կարևոր գործոն է նյարդային համակարգի առողջությունը պահպանելու համար։ Հավասարակշռված քունը, կանոնավոր ընդմիջումները և սթրեսի արդյունավետ կառավարումը կարող են խթանել ֆիզիկական և հոգեբանական առողջությունը։ Հիշենք, որ մեր մարմինը և միտքը վերականգնվելու կարիք ունեն, և այս գործընթացին ժամանակ տրամադրելը ոչ թե ճոխություն է, այլ անհրաժեշտություն։ 

 Պետք է հիշել մի բան ևս. առողջ նյարդային համակարգ ունենալու համար պետք է պահպանել առողջությունը ի սկզբանե։