Մարքեթինգային խորամանկ քայլեր հայտնի բրենդներում

Red Bull

Երբ Red Bull-ի հեղինակ Դիտրիխ Մատեշիցը էներգետիկ խմիչքը դուրս բերեց մեծ շուկա, հիմնական մրցակիցները  Coca-Cola-ն և Pepsi-ն էին: Այդ ժամանակ Դիտրիխ Մատեշիցը դիմեց ռիսկային քայլի՝ 2 անգամ բարձրացրեց խմիչքի գինը և փոքրացրեց տարայի չափսը՝ տալով մարտկոցի տեսք, իսկ խանութների դարակներում դասավորությունը ոչ թե խմիչքների բաժնում իրականացրեց, այլ ցանկացած ուրիշ: Իսկ այս քայլով կատարվեց մի բան. հետաքրքրություն առաջացավ մարդկանց մեջ՝ ինչու՞ խմիչքը տեղակայված չէ խմիչքների բաժնում։

Coca-Cola

Վաճառում ենք ոչ թե ըմպելիքը, այլ ապրելակերպը. սա մարքեթինգային արշավի կարգախոսն էր

Կոկա-կոլան իր սպառողական որակներով չէր գերազանցում նմանատիպ ըմպելիքներին, հիմնադիր Վուդրոֆը առաջարկեց իրացնել ոչ այնքան հենց ըմպելիքը, այլ ապրելակերպը։   Որպես իրական հոգեբան և մարքեթոլոգ՝ Վուդրոֆը համառորեն առաջ էր տանում իր գաղափարները՝ պնդելով, որ Կոկա-կոլան իր հաճախորդին պետք է ուղեկցի ամենուրեք։ Կոլան պետք է ուղեկցի ամերիկացուն աշխատանքի վայրում, հանգստի ժամանակ, բարդ իրավիճակների ժամերին։ Առաջին մարքեթինգային քայլն այն էր՝ ըմպելիքը սկսեց վաճառվել բենզալցակայաններում, որոնց թիվը շատ արագ տարածվեց երկրով մեկ։ Կոկա-կոլան մուտք է գործում նաև կինոարտադրության և կինոցուցադրության ոլորտ՝ հայտնելով կինոթատրոնների էկրաններին և վաճառվելով սրահներում…և այսպես մարքեթինգային ռազմավարության ընթացքում ընտրված ճիշտ կարգախոսը տալիս է նաև ճիշտ արդյունքը։

Կոկա-կոլան դարձավ նաև առաջին արևմտյան ընկերությունը, որի գովազդները տեղադրվել են սովետական Մոսկվայում՝ Պուշկինի հրապարակում։

Կոկա-կոլան հորինեց Սանտա Կլաուսի իր սեփական կերպարը։ Էլֆի կերպարին փոխարինելու եկավ բարի, ուրախ ծերունին՝ խիտ սպիտակ մորուքով։ Նա պատկերված էր բրենդի գույնն ընդգծող կարմիր հագուստով, իսկ ձեռքերում պահում էր կոլայի բաժակը։ Կերպարը այնքան դուր եկավ հասարակությանը, որ այն դարձավ Սուրբ ծննդյան և ամանորյա տոների գլխավոր խորհրդանիշը։ Սա է պատճառը, որ շատերը Ամանորը ասոցացնում են Կոկա-Կոլայի ամանորյա գովազդի հետ։

Starbucks

Starbucks-ի մարքեթինգայի գլխավոր քայլը այն զգացողությունն է, թե դու էլիտայի մասնիկ ես Բոլորը գիտեն, որ Starbucks-ը պրեմիում դասի բրենդ է: Ընկերությունն աշխատում է միջինից մինչև բարձր ֆինանսական մակարդակ ունեցող մարդկանց համար: Սա նշանակում է, որ հաճախորդները մարդիկ են, ովքեր դեմ չեն լինի վճարել հաճելի մանրուքների համար: Մարդիկ սիրով վճարում են այդ արժեքը ոչ թե միջավայրի կամ սուրճի լավ որակի համար, այլ մարդիկ հավատում են, որ նրանք գնում են մի բան, որը ոչ բոլորի համար է: Մարքեթինգում անգամ կա Starbucks էֆֆեկտ հասկացությունը. դա ենթադրում է, որ ընկերությունը դիրքավորում է  իր բրենդի իմիջը՝ որպես պրեմիում դաս, և վաճառում է արտադրանքը բարձր արժեքով:

Starbucks-ի մարքեթինգային արշավի մեջ է մտնում նաև մշտապես գովադներ անելը։ Starbucks-ը գիտակցաբար մեծ գումարներ է ծախսում գովազդի վրա: Միայն նախորդ տարի ընկերությունը ծախսել է 260 միլիոն դոլար: Հիշենք Գահերի խաղ սերիալի հետ կապված վերջին միջադեպը: 8-րդ եթերաշրջանի 4-րդ էպիզոդի շնորհիվ Starbucks-ը վաստակել է 2.3 բիլիոն դոլար:

Այս առհելի թիվը Starbucks-ը վաստակել է լրիվ անվճար…ինչպե՞ս

Անուշադրության շնորհիվ. <<Գահերի խաղ >> սերիալի աշխատակազմի անդամներից մեկը մոռացել էր իր Starbucks պիտակով սուրճի բաժակը նկարահանման տաղավարի սեղանին, և բոլորը մտածեցին, թե դա Starbucks-ի բաժակ էր, բայց իրականում այդպես չէր: Իրականում, սուրճն այլ վայրից էր գնված, բայց ոչ մեկի մտքով չէր էլ անցել, որ դա կարող է այլ բան լինել, քան Starbucks: Նախագծի պրոդյուսերները ներողություն են խնդրում սխալի համար, իսկ Starbucks-ը շարունակում է վայելել անվճար գովազդը: