Գրասենյակի էթիկետի ինը կանոններ

Մեր օրերում շատ գործարարներ չեն վարձում մեծ գրասենյակային տարածքներ: Դեռ ավելին, մի շարք ձեռնարկություններ աշխատում են ազատ ավտոտնակներում, տներում, նկուղներում կամ էլ մեկ կամ երկու սենյականոց գրասենյակային տարածքներում: Շատ հարուստ գործարարներ նույնիսկ ընտրում են <<բաց գրասենյակային պլան>>, որտեղ աշխատակազմի տարբեր անդամներ միասին աշխատում են մի մեծ սենյակում: Իդեալական կլիներ, եթե յուրաքանչյուրն ունենար իր անձնական գրասենյակը, բայց դա հաճախ անիրական է կամ չափազանց թանկ: Ուստի կան էթիկետի մի քանի կանոններ, որոնք պետք է հաշվի առնվի, որպեսզի ներդաշնակություն և հանգստություն ապահովեն գրասենյակում:

1.Հարգանք ուրիշի աշխատանքային պահանջի հանդեպ

Միայն հենց այն պատճառով, որ նստած են կողք կողքի, չի նշանակում, որ հնարավոր է խոսակցության մեջ մտնել ցանկացած պահի: Հարգեք մեկդ մյուսի անձնական տիրույթը: Աշխատեք անել այնպես, կարծես թե մի դուռ կա ձեր միջև և եթե թվում է, թե նրանք զբաղված են, հարցրեք, արդյոք նրանք ժամանակ ունեն ձեզ հետ խոսելու:

2. Ուշադիր եղեք բույրերի նկատմամբ

Փոքր տարածքում բուրմունքը կարող է հեշտությամբ արագ տարածվել, ուստի հաշվի առեք դա, երբ փաթեթավորում ես քո ճաշը կամ նախուտեստը: Փորձիր ուտել սնունդը խոհանոցում, ընդմիջման սենյակում կամ դրսում, ոչ թե քո աշխատասեղանին: Ինչու չէ նաև շատերը ալերգիկ են օծանելիքների, բույրերի նկատմամբ: Ուշադրություն դարձրու քո անձնական խնամքին:

3.Աղմուկն ու աշխատանքից շեղումը հասցրու նվազագույնին

Աղմկոտ խոսակցությունները(թե աշխատողների միջև, թե հեռախոսազրույցները), կամ սովորությունները, ինչպես օրինակ սեղանին տկտկացնելը, անընդհատկ կրկնվող շարժումները, հաճախ կանգնելն ու նստելը կարող են շեղել ոմանց ուշադրությունը, ովքեր փորձում են կենտրոնանալ: Եթե դու ցանկանում ես լսել երաժշտություն, ձայնագրություններ, կամ դիտել տեսագրություններ, օգտագործիր ականջակալներ:

4.Մաքուր եղիր

Քո թափթփված սեղանը կարող է շեղել մյուսներին և կնվազեցնի քո կազմակերպության պրոֆեսիոնալ պատկերը, որը փորձում եք ստեղծել: Պահիր քո սեփական տարածքում այն ամենն, ինչ քեզ է պատկանում և կարգավորիր սեղանդ ամեն օր նախքան հեռանալը: Եթե քո սեղանի մոտ դու մենակ չես աշխատում, ապա համոզված եղիր, որ հավաքել ես քո իրերը, օրինակ սուրճի բաժակները կամ գրասենյակային իրերը:

5.Հարգիր ուրիշի տարածքը

Միայն այն պատճառով, որ մեկ ուրիշի աշխատասեղանը քո աշխատասեղանին մոտ է, այն ձեր միջև չի ստեղծում ընդհանուր տիրույթ: Վերաբերվիր յուրաքանչյուրի սեփական տարածքին, կարծես այն անձնական գրասենյակ է: Ոչինչ մի վերցրու ուրիշի սեղանից: Հարցրու սկզբում,ապա մոտեցիր, եթե քեզ գրիչ կամ դակիչ է անհրաժեշտ:

6.Եթե հիվանդ ես, աշխատանքի մի գնա

Երբ դու փոքր տարածքում ես աշխատում հեշտությամբ կարող ես մանրէն փոխանցել ուրիշին: Մնա տանը, եթե հիվանդ ես: Հիգիենիկ է ձեռքով փակել բերանը, երբ հազում ես, մի թող օգտագործված անձեռոցիկները որտեղ կպատահի, ժամանակ առ ժամանակ մաքրիր սեղանդ, համակարգչի ստեղնաշարը և հեռախոսը, որպեսզի կանխես մանրէների տարածումը:

7.Եղիր նրբանկատ

Հարգանքը ճիշտ միջոցն է, երբ աշխատում ես գրասենյակային միջավայրում: Եղիր հարգալից և ակնկալիր մյուսներից լինել փոխադարձ նույն կերպ: Ստեղծիր վարվեցողության կանոններ, հաստատիր սահմաններ, երբ դրանք փորձում են խախտել:

8.Եղիր հանդուժող

Ընդհանուր գրասենյականի միջավայրը տարբեր անհատականություններ (տարբեր արժեհամակարգերով) է համախմբում: Այս տարբերությունների հանդեպ հանդուրժող եղիր և ուղիներ փնտրիր հարմարվելու: Բոլորը չեն, որ պատրաստ են համաձայնել քեզ հետ յուրաքանչյուր անգամ: Մնա բաց հայացքենրի տեր, լսիր սովորելու մտադրությամբ և կենտրոնցիր քո աշխատանքի դրական կողմերի վրա:

9. Գործիր որպես թիմ

Որպեսզի լինեք համախմբված աշխատանքային թիմ, մի տարածեք չարախոսություններ կամ խասռնաշփոթ ստեղծեք փոքր բաներից: Կանոնավոր հանդիպումներ կազմակերպեք, նոր գաղափարներով կիսվելու համար, կարևոր խնդիրներին լուծումներ փնտրելու նպատակով:

 

                                                                                 Մարիանա Սարգսյան