Գովազդի ստեղծման պատմությունը

        Գովազդը, որ դարեր շարունակ ուղեկցում էր մարդկությանը, երկար ժամանակ չէր ընկալվում որպես նոր, ընդհանրական մի երևույթ: Գովազդի ամենաառաջին արտացոլումը ժայռապատկերներն էին, որոնք տեղեկություն էին հաղորդում որսորդության վերաբերյալ:

   Դրանք կարելի է համարել ժամանակակից արտաքին գովազդի սկզբնակետը:

  Սկզբում գովազդը բանավոր էր: Վաճառականները, ապրանք տեղափոխողները, շրջիկ արհեստավորներն անընդմեջ գոռում էին իրենց ապրանքների անունները, առաջարկում էին տարբեր ծառայություններ՝ իրենց բղավոցները տարածելով քաղաքի փողոցներում: Այստեղից էլ ծագել է անվանումը լատինական reclame –գոռալ:

     Գրավոր առաջին գովազդը համարվում է Լոնդոնում պահպանվող եգիպտական պապիրուսը,  որում տեղեկացվում էր գերիի վաճառքի մասին:

   




 Սկզբում կոմերցիոն բնույթի հաղորդագրությունները նկարում էին առևտրական ուղիների երկայնքով ձգվող ժայռերի վրա: Հույները փորագրում էին գովազդային հաղորդագրությունները քարերի, մետաղների և ոսկորների, փայտյա սյուների վրա:

     Հին եգիպտական Մեմֆիս քաղաքի փլատակներից հայտնաբերվել է սյան վրա փորագրված <<Այստեղ ապրում եմ ես՝ Կիպր կղ

զու Մինոսը, օժտված երազները մեկնաբանելու շնորհով՝ համեստ վճարի դիմաց>>: Հայտարարության հիանալի օրինակ է հակիրճ և բովանդակալից:  Ինֆորմացիայի ամենատարածված տարբերակը բանավորն էր, որը հանդիսանում է <<բերանից բերան>> գովազդի տարբերակ:

    Անկասկած այս բոլորը պրիմիտիվ գովազդ էր: Գովազդի հետագա զարգացումն ամբողջությամբ կախված էր ինչպես հասարակության, այնպես էլ արտադրական ուժերի զարգացումից:

  Ժամանակակից գովազդի տարածման հենքը հանդիսանում են մարդկության տեխնիկական և գիտական ձեռքբերումները՝ գրքերի, թերթերի ու ամսագրերի տպագրությունը, էլեկտրոէներգիայի հայտնագործումը, համակարգչային հեղափոխությունը և այլն:

    Գովազդը առաջընթացի շարժիչն է: Ի սկզբանե այն երկու ֆունկցիա էր իրականացնում ՝

§ տնտեսագիտական – ավելացնելով պահանջարկը՝ խթանում և արագացնում է ապրանքների վաճառքի գործընթացը

§   ինֆորմացիոն – սպառողներին տեղեկացնում է ապրանքի առկայության, արտադրողի, ֆիրմայի, ապրանքի կարևոր հատկանիշների մասին և այլն

Ժամանակակից աշխարհում գովազդը բարդ սոցիալական երևույթ է: Այն ոչ միայն բիզնես է, այլև լայն հասկացություն, որը ներգրավում կամ ամենաքիչը ազդեցություն է թողնում հասարակության բոլոր ոլորտների վրա: Այն իրականացնում է մի քանի կարևոր ֆունկցիա.

§  արտադրական – գովազդը արտադրված ապրանքների սպառման համար խթանիչ միջոց է

§      սոցիալական – գովազդը հաղորդակցական ֆունկցիա է իրականացնում՝ միավորելով հասարակության տարբեր խավերի հետաքրքրությունները

§  բարոյաիրավական –քաղաքակիրթ գովազդը առևտրատնտեսական գործունեության մեջ էթիկայի և իրավական նորմերի քարոզում հզոր գործիք է հանդիսանում

§  կրթամշակութային - գովազդը մեծ ներգործություն ունի հասարակության մեջ որոշակի ճաշակի զարգացման գործում:

   Գովազդն իր կոմունիկացիայի շնորհիվ ֆիրմայի մարկետինգային գործունեության չորս մասնակիցներին՝ ֆիրմա, գովազդային գործակալություն, գովազդային միջոցներ և սպառող, ներգրավում է մեկ ինֆորմացիան արտադրական գործընթացի մեջ:

  Ժամանակակից գովազդը կրեատիվ է, գրավիչ, կարողանում է ուշադրություն գրավել և  հաղորդել այնպիսի ինֆորմացիա, որը մարդիկ ուզում են տեսնել ու լսել:

Աննա Առաքելովա